زۆر بە داخەوە خەڵكی شاری سنەی سەربەرز، یەكێك لە شارەكانی مەڵبەندی كوردایەتی و ئەدەب و ڕۆشنبیری و تێكرای شارو ناوچەكانی كوردستان، جارێكی دیكە تازیەبارن بە بۆنەی كۆچی دوایی شاعیری هەست ناسكی كورد مامۆستا جەلال مەلەكشا.
مامۆستا جەلال مەلەكشا لە شاعیرە نەتەوەیی و كوردپەروەرەكانی كوردستان بوو كە لە ماوەی ژیانیدا تووشی گەلێك ئازارو ڕەنج و دەربەدەری بۆوە، و هیچ كات لە ڕێبازی گەل لای نەداو ڕژیمی دیكتاتۆری ئاخوندی نەیتوانی لە ڕێبازی ئازادیخوازی و كوردایەتی پاشگەزی بكاتەوە.
مامۆستا جەلال مەلەكشا لە ڕیزی ئەو شاعیرانەی كوردستانە كە خزمەتی بەرچاوی بە شیعرو ئەدەبی كورد كردوەو خاوەن دەیان شیعری نەتەوەیی و نیشتمانیە.
كومیسیۆنی ڕاگەیاندنی سازمانی خەبات ی كوردستانی ئێران بە بۆنەی كۆچی دوایی مامۆستا جەلال مەلەكشا، سەرەخۆشی بە خانەوادەی بەڕێزیان و خەڵكی شاری سنەو تێكڕای شارو ناوچەكانی كوردستان پێشكەش دەكات.
بەو ئاواتەی ئامانجەكانی مامۆستا جەلال مەلەكشاو تێكڕای گەلی كورد بێتە دی.
كومیسیۆنی ڕاگەیاندنی سازمانی خەبات ی كوردستانی ئێران
11ی خەزەڵوەری 1399 ی كۆچی خۆری
ڕێکه‌وت: 2020-11-01 08:54:02
به‌شی ( به‌ڵگه‌نامه‌کان )