له‌سه‌رهێل 481
یه‌ک شه‌مه‌ 13 سه‌رماوه‌ز 2722
سازمانی خه‌باتی کوردستانی ئێران
پیرۆزبایی سازمانی خەبات بە بۆنەی یەكگرتنەوەی کۆمەڵەی شۆڕشگێری زەحمەتکێشانی کوردستانی ئێران و کۆمەڵەی زەحمەتکێشانی کوردستان

رۆژی یەکشەممە 20/11/2022 لە رێوڕەسمێکدا لە ستۆکهۆڵمی پایتەختی سوێد، (کۆمەڵەی زەحمەتکێشانی کوردستان و کۆمەڵەی شۆڕشگێڕی زەحمەتکێشانی کوردستانی ئێران) بە فەرمی یەکگرتنەوەیان راگەیاند.

سازمانی خەبات ی كوردستانی ئێران پیرۆزبایی گەرم له‌‌و دوو لایه‌نه‌ی کۆمه‌ڵه‌ ده‌کا بۆ یەکگرتنەوە و یەکخستنەوەی ڕیزەکانیان و ئەو کارەیان بە هەنگاوێکی شیاو بۆ خەبات و جوڵانەوەی ڕزگاریخوازانەی گەلی کورد لە کوردستانی ئێران دەزانێ.

 سازمانی خه‌بات داوا لە سەرجەم هێز و لایەنە کوردستانیەکان دەکا تاکوو پێکەوە هەنگاوی جیددی و پراکتیکی بۆ یەکڕیزیی ناوماڵی کورد هەڵبگرین و تەبایی و یەكێتی و یەكتر قەبوڵ كردن و پلۆرالیزم لە نێوان هێزەكانی جوڵانەوەی مافخوازانەی خەڵکی كوردستانی ئێران به‌ پێویست ده‌زانین.

سازمانی خەبات پێ وایە لایەنە سیاسیەکانی نێو جوڵانەوەی مافخوازانەی کوردستانی ئێران،  پێویسته‌ لە ژێر یەک چەتر و پلاتفۆرمی هاوبەش دا به‌ ئامانجی ڕزگاری میلله‌ته‌که‌مان و خەباتی شێلگیرانە لە بەرامبەر  ڕژیمی ئاخوندی ئێران و دامەزراندنی حكومەتی دیموكڕاتیك لە ئێران و دەستەبەركرانی مافەكانی خەڵكی كوردستانی ئێران تێبکۆشین. 

سازمانی خەبات ی كوردستانی ئێران

كومیتەی ناوەندی

٣٠ خه‌زه‌ڵوه‌ری ١٤٠١ی هه‌تاوی
ڕێکه‌وت: 2022-11-21 12:40:18
به‌شی ( به‌یاننامه‌کان )



خوێنه‌ر ده‌توانێ ئه‌و وتاره‌ له تۆڕه‌کۆمه‌ڵایه‌تیه‌کان بڵاوبکاته‌وه‌‌
ناونیشای وتار: پیرۆزبایی سازمانی خەبات بە بۆنەی یەكگرتنەوەی کۆمەڵەی شۆڕشگێری زەحمەتکێشانی کوردستانی ئێران و کۆمەڵەی زەحمەتکێشانی کوردستان