ئەو بەندكراوە سیاسیە كوردە كە خەڵكی ورمێ یە، بە هۆی فشاری زیندانی درێژماوە، بەدبژێوی و كوالیتی خراپی خواردن و تەندروستی لە گرتووخانە، تووشی نەخۆشی قارچك و ریخۆڵە بووە. زیاتر لە 3 ساڵە لوویێك لە ملی هاتووەو پزیشكان رایانگەیاندووە زوو دەبێ عەمەڵ بكرێ و بخرێتە ژێر چاودێری تایبەتەوە، بەڵام بەرپرسانی دەزگای قەزایی رژێم رێگەنادەن رەوانەی نەخۆشخانە بكرێ.

ئەو هاووڵاتیە كوردە ساڵی 1387 لە ورمێ دەستبەسەر كرا و لە بێ دادگاكانی رژێمدا بە تۆمەتی هاوكاری لەگەڵ یەكێك لە هێزە تێكۆشەرەكانی كوردستان 10 ساڵ زیندانی بەسەردا سەپێندرا و بۆ گرتووخانەی ئەردەبێڵ گوازرایەوە.