هێزە سەركوتگەرەكانی رژیمی ئاخوندی لە ماوەی چەند ڕۆژی رابردوودا چەندین هاووڵاتیی مەریوانیان دەستبەسەر كردووە.

بە پێی هەواڵەكان، لە ماوەی چەند ڕۆژی رابردوودا، هێزە سەركوتگەر و داپلۆسێنەرەكانی رژیمی ئاخوندی لە شاری مەریوان ژمارەیەك هاووڵاتیان دەستبەسەر كردووە و ژمارەیەكیشیان بۆ لێپێچینەوە بانگهێشت كردووە.

هەر لەو چوارچێوەدا  ڕۆژی پێنجشەمە 9ی سەرماوەزی 1396، هێزە داپڵۆسێنەرەكانی رژیمی ئێران لە مەیدانی ئیستادیومی شاری مەریوان تەقەیان لە کەسێک بە ناوی “تەحسین سەردۆشی” کردووە و دوای برینداركردن دەستبەسەر و بۆ شوێنێکی نادیار گواستوویانەتەوە. هەروەها كەسێكی دیكە بە ناوی “حوسێن سەردۆشی” یان دەستبەسەر و رەوانەی شوێنێکی نادیار کردووە.

تا ئێستا ناونیشان و زانیاری شوێنی راگرتنی دەستبەسەركراوانی دیكە لەبەر دەستدا نیە.
ڕێکه‌وت: 2017-12-03 07:58:46
به‌شی ( هه‌واڵی کوردستان )