دادگای رژیم لە شاری بۆکان، حوکمی ١٣ ساڵ و شەش مانگ زیندانی بەسەر سێ بەندكراوی خەڵكی ئەو شارەیدا سەپاند.

بەپێی هەواڵ، دادگای رژیم لە شاری بۆكان حوكمی 13 ساڵ و شەش مانگ زیندانی تەعزیری بەسەر سێ هاووڵاتیی کورد بە ناوەکانی "محەممەد کەریمیخا" کوڕی خالید تەمەن ٣٧ ساڵ، "حوسێن مەحموودی" کوڕی محەممەدکەریم تەمەن ٣٧ ساڵ و "ئەمیر ئیبراهیمی" کوڕی ئەبووبەکر تەمەن ٣٨ ساڵ، سەپاند.

ئەو سێ هاووڵاتییە کوردە، سەرەتای ئەمساڵ لە لایەن ئیدارەی ئیتلاعاتی سپای پاسداران، لە شاری بۆکان دەسبەسەر کران و بۆ گرتووخانەی ئەو ناوەندە سەركوتگەرە گوازراونەتەوە.
ڕێکه‌وت: 2018-01-17 17:47:19
به‌شی ( هه‌واڵی کوردستان )