لە ئاكامی دەستڕێژی هێزەكانی رژیم کۆڵبەرێکی لاو لە سنووری هەورامان بریندار بوو.

بەپێی هەواڵەكان ڕۆژی سێشەممە 24ی بانەمەری 1397 هێزە تیرۆریستیەكانی سوپای پاسداران لە گوندی هانە گەڕمەڵە سەر بە شاری نەوسوود لە پارێزگای کرماشان دەستڕێژ لە پۆلێک دەكەن و لە ئاكامی ئەو كردەوە نامرۆڤانەیەی ئەو هێزانە کۆڵبەریک بەناوی مستەفا حاجی بریندار دەبێ.

بەهۆی كاریی بوونی برینەكەی ئەو كۆڵبەرە بە پەلە رەوانەی نەخۆشخانەی سنە دەكرێ.

بەپێی هەواڵدەریەكان هەر ئەو رۆژە هێزەکانی سوپای پاسداران لە سنووری تەتەی هەورامان دەستیان بە سەر شت و مەکی ١٢ کۆڵبەردا گرتووە و ئاگریان داون.
ڕێکه‌وت: 2018-05-16 18:51:41
به‌شی ( هه‌واڵی کوردستان )