هێزە سەركوتگەرەكانی رژیم لە دوای كۆتایی هاتنی مانگرتنی شاری بانە دەستیان داوەتە گرتن و راوەدوونانی خەڵكی ئەو شارە.

بەپێی هەواڵ پێشنیوەرۆی رۆژی پێنج‌شەمە 27ی بانەمەڕی 1397 هێزە سەركوتگەرەكانی رژیم لە شاری بانە مەحموود جەلیلی تەمەن 38 ساڵە كە خاوەن دوو منداڵە، بەتاوانی بەشداری لە مانگرتنەكاندا دەستگیركردووەو بۆ شاری سنەیان گواستووەتەوە.

هێزەكانی ئیدارەی بەنداوی ئیتلاعات پێشتر و لە  رۆژی یەکشەممە 23ی بانەمەڕدا خویندکارێکی کورد و خەڵکی شاری بانە بەناوی ئاكام ساڵحیان دەستگیركردووەو بۆ شوێنێكی نادیاریان بردووە. 

هەواڵدەری هەنگاو لەو بارەوە رایگەیاند كە هەتا ئێستا زیاتر لە ٣٥ کەسی خەڵکی شاری بانە لەلایەن هێزەكانی ئیتلاعاتەوە دەستگیركراون.
ڕێکه‌وت: 2018-05-18 16:12:45
به‌شی ( هه‌واڵی کوردستان )