ئەندامێكی بەناو شۆرای شاری سەرپێڵی زەهاو دەڵێ: لەبەر ئەوەی پووڵ نیە كاری نۆژەن كردنەوەی خانوو و بینا رووخاوەكانی ئەو شارە وەستاوە، 30 لەسەدی دانیشتوانی ئەو شارە كۆچیان كردووە بۆ كرماشان.

موجتەبا جاسمی ئەندامی بەناو شۆرای شاری سەرپێڵی زەهاو بە هەواڵدەری حكومەتی ئیلنای وتووە كە لەو هاوكاریانەی لەلایەن خەڵكەوە كۆكرانەوە هیچێك نەهێنراوەتە نێو شار و دەورووبەر، وە هەموو ئەوانە تەنیا قسە بوون.

ناوبراو لە درێژەدا لەبارەی بەشێكی زۆر لەو پووڵانەی كۆكرانەوە و درانە مانگی سوور، دەڵێ: چەند ملیار تمەنێك درایە مانگی سوور كە لە نێو بوومەلەرزە لێدراواندا دابەش بكرێ، بەڵام جارێ هیچ پووڵێك دابەش نەكراوە.
ڕێکه‌وت: 2018-05-21 09:30:02
به‌شی ( هه‌واڵی کوردستان )