ڕۆژی یەک شەممە ڕێکەوتی 2622017 بەرامبەر بە 8ی رەشەمەی 1395 کۆچی خۆری، ڕێکخراوی ئافرەتانی خەباتی کوردستانی ئێران پێشوازی کرد لە رێکخراوەکانی ژنانی ڕۆژهەڵاتی کوردستان کە پێک هاتبون لە:
ڕۆژی یەک شەممە ڕێکەوتی 2622017
بەرامبەر بە 8ی رەشەمەی 1395 کۆچی خۆری، ڕێکخراوی ئافرەتانی خەباتی کوردستانی ئێران پێشوازی کرد لە رێکخراوەکانی ژنانی ڕۆژهەڵاتی کوردستان کە پێک هاتبون لە:
کۆمەڵەی ژنانی ڕۆژهەڵات
یەکێتی ژنانی دیموکڕاتی کوردستانی ئێران
ئاسۆی ژنی کورد
یەکێتی ژنانی دیموکراتی کوردستان
لەو کۆبونەوەدا پرسەکانی پێوەند بە کارا کردنی ڕێکخراوەکانی ژنان و هەروەها ئامادەکاری بۆ بەرێوەبردنی ڕۆژی 8 ی مارس تەوەری سەرەکی بوو. بە چڕو پڕی لێکدانەوە بۆ بارو دۆخی ئافرەتان لە ڕۆژهەڵات کراو هەموو پێکەوە لە سەر ئەو پرسە کۆک بوین کە لەگەڵ گرنگی دان بە کارا کردنی کاری هاوبەش گرنگی زیاتر بدرێ بە وەزعی نالەباری ئافرەتان لە کوردستانی ئێران. کۆبونەوەکە کە لە کەشێکی دۆستانەدا بوو لەسەر پێبەندی بە ئوسولی کاری ڕیکخراوەیی پێداگری کردەوە و ئەو بابەتەش بە لامانەوە گرینگ بوو کە لە پێناو یەکڕیزی و یەکخستنی ڕیزەکانی ئەحزاب هەوڵەکانمان درێژە پێ بدەین.
شایەنی باسە کۆبونەوەکە بە مەبەستی کارا کردنی ناوەندی ژنانی رۆژهەلات بە مەبەستی رەخساندنی ڕۆحیەتی هاوکاری زیاتر لە نێوانمان درێژەی دەبێ و بەو شێوە دەتوانین کاریگەریمان زیاتر ببێ.
ڕێکخراوی ئافرەتانی خەباتی کوردستانی ئێران
2622017
