سەرلە بەیانی رۆژی چوارشەممە 11ی
رەشەمەی 1395 دۆناڵد ترامپ سەرەک کۆماری ئەمریکا وتارێکی لە دانیشتنی هاوبەشی ئەندامانی ئەنجومەنی نوێنەران و سەنا پێشکەش کرد.
بەپێی هەواڵی هەواڵدەری فەرانسە دۆناڵد ترامپ لەو وتارەدا کە زیاتر لە سەعاتێکی پێچوو لەسەر پێویستی بەرنگاربوونەوەی ترۆریزم و توندئاژۆیی تەئکیدی کردەوە.
ناوبراو ئیشارەی بەو هەنگاوانەی لەو ماوەدا لە کۆشکی سپی نراون کرد و گوتی: من ئابڵوقەی نوێم دژ بەو ناوەندانەی پشتیوانی لە بەرنامەی مووشەکی رژێمی ئێران دەکەن، سەپاندووە.
دۆناڵد ترامپ لە بەشێکی دیکەی قسەکانی دا تەئکیدی لەسەر پێبەندبوونی ئەمریکا بە بەڵێنەکانی لەهەمبەر "رێکخراوی پەیمانی ئاتڵانتیکی باکوور" کردەوە، بەڵام وتی ئەندامانی ئەو پەیمانە دەبێ بەشی خۆیان لەوبارە زیاتر بکەن.
سەرۆک کۆماری ئەمریکا گوتی: ئێمە چاوەروانین هاوبەشەکانمان لە ناتۆ، رۆژهەلاتی ناوەراست یان زەریای ئارام دەوری مانادار لەباری بەرنامە و سەربازیەەوە ببینن و هەروەها لە خەرجیەکاندا بەشی خۆیان بە شێوەی دادپەروەرانە بدەن.
دۆناڵد ترامپ لە درێژەی قسەکانی دا گوتی: ئەرکی من ئەوە نیە کە نوێنەرایەتی جیهان بکەم. ئەرکی من نوێنەرایەتی کردنی ئەمریکایە.
