١٢ی خاکه‌لێوه‌ ساڵرۆژی ریفراندۆمی

رژیمی ئاخوندی که‌‌‌ ئه‌‌‌و رووداوه‌‌‌ به‌‌‌ مه‌‌‌شروعیه‌‌‌تی ٩٠  له‌‌‌سه‌‌‌دی خه‌‌‌ڵک بۆ سیسته‌‌‌می پیشنیاری خۆی ناو ده‌‌‌با، هه‌‌‌رگیز جارێکی دیکه‌‌‌ خۆی نه‌‌‌خسته‌‌‌ به‌‌‌ر محه‌‌‌کێکی هاوشێوه‌‌‌ و وه‌‌‌ک هه‌‌‌ر نیزامێکی دیموکراتیک و پێبه‌‌‌ند به‌‌‌ ده‌‌‌نگی خه‌‌‌ڵک راپرسیه‌‌‌کی له‌‌‌چه‌‌‌شنی راپرسی ١٢ی خاکەلێوەی رێکنه‌‌‌خسته‌‌‌وه‌‌‌ و له‌‌‌وپه‌‌‌ری بێشه‌‌‌رمی دا ساڵانێکی دوورودرێژه‌‌‌ ئه‌‌‌و به‌‌‌ناو سه‌‌‌رکه‌‌‌وتن و مه‌‌‌شروعیه‌‌‌ته‌‌‌ وه‌‌‌بیر خه‌‌‌ڵک دێنێته‌‌‌وه‌‌‌، به‌‌‌ بێ ئه‌‌‌وه‌‌‌ی یه‌‌‌ک جاریش بیر له‌‌‌دووباره‌‌‌ کردنه‌‌‌وه‌‌‌ی ئه‌‌‌و ئه‌‌‌زموونه‌‌‌ بکاته‌‌‌وه‌‌‌. 

له‌‌‌ماوه‌‌‌ی 38 ساڵی ده‌‌‌سه‌‌‌لاتی ئاخوندان سه‌‌‌رجه‌‌‌م دروشم و به‌‌‌ڵێنه‌‌‌کانی به‌‌‌رپرسانی رژیم و له‌‌‌سه‌‌‌رووی هه‌‌‌موویانه‌‌‌وه‌‌‌ خومه‌‌‌ینی بۆ هه‌‌‌موو جیهانیان ده‌‌‌رکه‌‌‌وت که‌‌‌ درۆیێک بۆ گه‌‌‌یشتن به‌‌‌ ده‌‌‌سه‌‌‌لات زیاتر نه‌‌‌بوو و ئه‌‌‌مرۆ خه‌‌‌ڵک به‌‌‌ راده‌‌‌یێک  گیرۆده‌‌‌ی کێشه‌‌‌ کۆمه‌‌‌لایه‌‌‌تی و ئابووری و سیاسیه‌‌‌کان بوونه‌‌‌ که‌‌‌ ئاوات ده‌‌‌خوازن بۆ رژیمی رابردوو. 

جێگه‌‌‌ی شانازییه‌‌‌ بۆ گه‌‌‌لی کورد له‌‌‌ کوردستانی ئێران ئه‌‌‌و به‌‌‌ناو رێفراندۆمه‌‌‌ که‌‌‌ ته‌‌‌نیا له‌‌‌ پرسیارێکی ناکارناسی و بێ واتا کورت کرابوویه‌‌‌وه‌‌‌ی بایکۆت کرد و به‌‌‌شداری تێدا نه‌‌‌کرد.

ئه‌‌‌مرۆ ئه‌‌‌گه‌‌‌ر ئه‌‌‌زموونی راپرسی ١٢ی خاکه‌‌‌لێوه‌‌‌ی ١٣٥٨ هه‌‌‌ر به‌‌‌و ناوه‌‌‌رۆکه‌‌‌ دووباره‌‌‌ بێته‌‌‌وه‌‌‌ به‌‌‌ دڵنیاییه‌‌‌وه‌‌‌ ده‌‌‌بێ بارگه‌‌‌ و بنه‌‌‌ی ده‌‌‌سه‌‌‌لاتدارییه‌‌‌ نامه‌‌‌شروعه‌‌‌که‌‌‌ی که‌‌‌ ته‌‌‌نیا به‌‌‌ زه‌‌‌بری سه‌‌‌رکوت و کوشتن و برین راگرتووه‌‌‌، وه‌‌‌پێچێ و پێچێته‌‌‌ زبڵدانی مێژووه‌‌‌وه‌‌‌.