بەندکراوێکی سیاسی کورد وێرای مان گرتن لە خواردن، رەوانەی نەخۆشخانە ناکرێ

ئەو بەندکراوە سیاسیە کوردە کە خەڵکی ورمێ یە، بە هۆی فشاری زیندانی درێژماوە، بەدبژێوی و کوالیتی خراپی خواردن و تەندروستی لە گرتووخانە، تووشی نەخۆشی قارچک و ریخۆڵە بووە. زیاتر لە 3 ساڵە لوویێک لە ملی هاتووەو پزیشکان رایانگەیاندووە زوو دەبێ عەمەڵ بکرێ و بخرێتە ژێر چاودێری تایبەتەوە، بەڵام بەرپرسانی دەزگای قەزایی رژێم رێگەنادەن رەوانەی نەخۆشخانە بکرێ.

ئەو هاووڵاتیە کوردە ساڵی 1387 لە ورمێ دەستبەسەر کرا و لە بێ دادگاکانی رژێمدا بە تۆمەتی هاوکاری لەگەڵ یەکێک لە هێزە تێکۆشەرەکانی کوردستان 10 ساڵ زیندانی بەسەردا سەپێندرا و بۆ گرتووخانەی ئەردەبێڵ گوازرایەوە.