سازمانی خه‌بات ی
کوردستانی
ئێران
حاجی میرزا سەعدوڵا باوکی شەهید ناسری رەحیمی لە دوای 2 مانگ بەربەرەکانێ لەگەڵ نەخۆشی بەداخەوە لە تەمەنی 82 ساڵیدا لە شاری بانە کۆچیی دوایی کرد
بەپێی هەواڵی گەیشتوو، ئێوارەی رۆژی چوارشەممە 4ی بانەمەڕی 1396 حاجی میرزا سەعدوڵا باوکی شەهید ناسری رەحیمی لە دوای 2 مانگ بەربەرەکانێ لەگەڵ نەخۆشی بەداخەوە لە تەمەنی 82 ساڵیدا لە شاری بانە کۆچیی دوایی کرد.
حاجی میرزا سەعدوڵای رەحیمی کەسایەتیەکی خۆشناوی ناوچەی بانەو کوردێکی زەحمەتکێش و بە هەڵوێست بوو وە وەک باوکێکی تێکۆشەر و نیشتمانپەروەر هەمیشە یار و یاوەری پێشمەرگەکانی سازمانی خەبات بوو و لە دوای شەهید بوونی شەهید ناسریش تا کۆتایی تەمەنی وەک دڵسۆزێکی سازمانی خەبات مایەوە.
شەهید ناسری رەحیمی یەکێک لە پێشمەرگە قارەمان و گیانبازەکانی سازمانی خەبات بوو کە لە 15ی گەلاوێژی 1365 بەپلەی بەرزی شەهادەت گەیشت.
سکرتێری گشتی سازمانی خەباتی کوردستانی ئێران، کاک بابەشێخی حسێنی، بەو بۆنەوە سەرەخۆشی لە خانەوادەی بەرێزی حاجی میرزا سەعدولا و تێکرای کەس و کار دەکاو داواکارە خوای گەورە بە بەهەشتی بەرینی خۆی شادی کاو سەبووری بە هەموو لایەک بدات.
انا لله و انا الیه راجعون
