سازمانی خه‌بات ی
کوردستانی
ئێران
خەباتمێدیا: ژنراڵ هێربێرت مەک مێستێر راوێژکاری ئاسایشی نەتەوەیی دۆناڵد ترامپ لە بەرنامەی رۆژی یەکشەممە 10ی بانەمەڕی، کاناڵی تەلەفزیۆنی فاکس نیوز وتی: ئەوەی دەبێ بیکەین ئەویە کە پەردە لەسەر هەڵسوکەوتەکانی رژێمی ئێران لادەین.
ناوبراو وتی: رژێمی ئێران رژێمێکە کە لە دەسەڵاتی مرۆڤکوژی سوریە کە تووشی تاوانی کۆمەڵکوژی بووە پشتیوانی دەکا و بە دوای جێگیرکردنی هاوشێوەی حیزبوڵای لوبنان لە ناوچەی رۆژهەلاتی ناوەراستە.
ئەو ژنراڵەی ئەمریکا لە درێژەدا وتی: رژێمی ئێران خوازیاری دەوڵەتی لاواز لە ناوچەکەیە کە چاولە دەستی ئەو بن، و لەو پێ,ەندەدا بتوانێ تاقمە چەکدارەکان و باقی دەستە ناقانوونیەکان کە لە دەرەوەی ئەو وەڵاتانە هێنراون لەوێ پەرە پێبدات.راوێژکاری ئاسایشی نەتەوەیی سەرۆک کۆماری ئەمریکا لە وتووێژ لەگەڵ فاکس نیوزدا رەخنەی لە شێوەی کاری حکومەتی پێشووی ئەمریکا گرت و گوتی: لە هەشت ساڵی دوایی دا سیاسەتەکانی ئەمریکا بەشێوەی نەخوازراو هێزی بە ئێران لە هەموو رۆژهەڵاتی ناوەراست و زیاتر لەوەش بەخشی.
مەک مێستێر سیاسیەتەکانی باراک ئوباما لە گەڵ رژێمی ئێران دایەبەر هێرش و وتی: ئێمە ئێستا کاردانەوەی ئەو سیاسەتانە لە چوارچێوەی کارەساتی مرۆیی و سیاسی لە رۆژهەڵاتی ناوەراست دەبینین و ئەو سیاسەتانە کۆمەکی بە سەرگرتنی ئەو دۆخە کردوە و ئەوەی ئێستا گرینگە گۆرانی ئەو سیاسەتانەسە بۆ بەرەوروو بوونەوە لەگەڵ رژێمی ئێران.
راوێژکاری ئاسایشی نەتەوەیی دۆناڵد ترامپ هەروەها تەئکیدی کردەوە کە لە بارودۆخی ئێستادا " ئەمریکایەک کە لە ژێر رێبەری دۆناڵد ترامپەوەیە پێوەندیەکی بەهێزی لەگەڵ وەلاتانی عەرەبی دا هەیە، هەلێکی باش بۆ ئێمە دەرەخسێنێ کە لەگەڵ هەڵسووکەوتە خراپەکانی رژێمی ئێران لە ناوچەکە و جیهان بەرەوڕوو بینەوە.
