سازمانی خه‌بات ی
کوردستانی
ئێران
بەرێز بابەشێخی حسێنی سەرکەوتنی ئیمانۆئێل ماکڕۆن بە بەرپەرچدانەوەی رەوت وبیرى رەگەز پەرەستانە دەزانێ
خەباتمێدیا: بەرێز بابەشێخی حسێنی سکرتێری گشتی سازمانی خەباتی کوردستانی ئێران لە پەیامێکدا بۆ ئیمانۆئێل ماکرۆن سەرۆکی تازە هەڵبژردراوی وەڵاتی فەرانسە، وێڕای پیرۆزبایی بەبۆنەی سەرکەوتنی ناوبراو هاوکات ئەو سەرکەوتنە بە بەرپەرچدانەوەی رەوت و بیری رەگەز پەرەستانە دەزانێ.
لە بەشێکی پیرۆزباییەکەی سکرتێری گشتی سازماندا هاتووە: هومێدەوارم بەرێزت لە چەسپاندنی پەیامی سەردەمیانە و بەرابەریخوازی و پەرەپێدان بە رەوتی دیموکراسی و ئاشتی و تەبایی لە نێوان پێکهاتەی خەڵکی فەرانسە و بەشێوەی بەربڵاوتر لە سەرانسەری جیهاندا سەرکەوتوو بی.
دەقی پیرۆزباییەکەی رێزدار سکرتێری گشتی سازمانی خەبات بەم شێوەیە:
بەرێز جەنابی ئیمانۆئێل ماکڕۆن
بەبۆنەی هەڵبژێردرانت بە سەرۆک کۆماری فەرانسە لە لایەن خۆم و سەرکردایەتی سازمانی خەبات ی کوردستانی ئێران گەرمترین پیرۆزباییت پێشکەش دەکەم.
هەڵبژاردنی بەڕێزت بە سەرۆک کۆماری فەرانسە لە گەڵ ئەوەی سەرکەوتنی پرۆسەی دیموکراسی لە یەکێک لە ووڵاتانی خاوەن پێگەی دیموکراسی و پێشکەوتن بوو لە هەمانکاتدا بەرپەرچ دانەوەی رەوت و بیری رەگەزپەرەستی و جیاوازی دانان لە نێوان مرۆڤەکان بوو کە بەداخەوە ئەو دیاردە مەترسیدارە لە ئێستادا لە ناو ژمارەیەک لە ووڵاتانی جیهان سەریهەڵداوە.
هومێدوارم بەرێزت لە گەیاندن و چەسپاندنی پەیامی سەردەمیانەو بەرابەریخوازی و پەرەپێدان بە رەوتی دیموکراسی و ئاشتی و تەبایی لە نێوان پێکهاتەی خەڵکی فەرانسەو بە شێوەی بەربڵاوتر لە سەرانسەری جیهاندا سەرکەوتو بی.
لە گەڵ پیرۆزبایی و رێزی دوبارەم
سازمانی خەبات ی کوردستانی ئێران
سکرتێری گشتی
بابەشێخ حوسەینی
