یه‌ک شه‌مه‌ 

27 جۆزه‌ردان2724
سازمانی خه‌بات ی
کوردستانی
ئێران
sazmanixebat

پاش 10 ساڵ سەرۆکی رێکخراوی مافی مرۆڤی کوردستان بە دانانی بارمتە ئازاد دەکرێ

پاش 10 ساڵ سەرۆکی رێکخراوی مافی مرۆڤی کوردستان بە دانانی بارمتە ئازاد دەکرێ

محەممەد سدیق کەبوودوەند پاش تێپەراندنی ١٠  ساڵ لە زیندان، ڕۆژی هەینی ٢٢ ی بانەمەڕ بە دانانی بارمتە لە زیندان ئازاد دەکرێت.

بەپێی راگەیەندراوی رێکخراوی داکۆکی لە مافی مرۆڤی کوردستان، محەممەد سدیق کەبوودوەند پاش تێپەراندنی ١٠  ساڵ لە زیندان، ڕۆژی هەینی ٢٢ ی بانەمەڕ بە دانانی بارمتە لە زیندان ئازاد دەکرێت.

ڕێکخراوی داکۆکی لە مافی مرۆڤی کوردستان بە بڵاوکردنەوەی بەیاننامەیەک لە پەیوەندی لەگەڵ ئازادیی کەبوودوەنددا ڕاگەیاندووە: 

سەرەڕای بەدواداچوونی بەردەوام، یاسای "کۆکردنەوەی تاوانەکان" سەبارەت بە دۆسیەی ناوبراو بەکار نەبراوە، بەپێی مادەی ١٣٤ی یاسای سزای نوێ، لە ئەگەری کۆکردنەوەی تاوانەکاندا، تەنیا حوکمی ١٠  ساڵ زیندانی کەبوودوەند لەبەرچاو دەگیرێت و زیندانی ٦ مانگەی ناوبراو لەبەرچاو ناگیردرێت.

لە بەشێکی ئەو بەیاننامەیە دا هاتووە: محەممەد سدیق کەبوودوەند سەرۆکی و دامەزرێنەری ڕێکخراوی داکۆکی لە مافی مرۆڤی کوردستان، ڕۆژی هەینی ٢٢ بانەمەڕ، پاش تێپەڕاندنی ١٠  ساڵ بەندکران، بە دانی بارمتە لە زیندان ئازاد دەکرێت، کە ئەوە لە حاڵێک دایە کە دەبوو ناوبراو ڕۆژی سێ شەممەی ئەم حەوتووە ئازاد بکرێت کە بە بیانووی سێ ڕۆژ"غیبت" لە کاتی هاتنە مورخەسی بۆ رۆژی هەینی دواخرا.

کۆمیتەی لێکۆڵینەوەی دەستبەسەرکرانە خۆسەرییەکانی ڕێکخراوی نەتەوە یەکگرتووەکان لە بڕیارنامەیەک دامەزراندنی ڕێکخراوی داکۆکی لە مافی مرۆڤی کوردستانی یاسایی و چالاکییەکانی محەممەد سدیق کەبوودوەندی یاسایی ڕاگەیاند و حوکمی ١٠  زیندانیی بە سەر ناوبراودا نایاسایی ڕاگەیاند.

محەممەد سەدیق کەبوودوەند، ڕۆژنامەنووس و سەرنووسەری حەوتووتەنامەی "پیام مردم" و دامەزرێنەری ڕێکخراوی مافی مرۆڤی کوردستان، مانگی پووشپەڕی ساڵی ٨٦ دەستبەسەر و دوای ماوەیەک زیندانی و دەستبەسەری، لە لایەن دەزگا قەزاییەکانی رژێمی دیکتاتۆری ئێرانەوە، بە ١١ ساڵ زیندان حوکم درا.

کەبوودوەند لەماوەی دەستبەسەری‌ لە زیندانی "ئێڤین"ی تاران، دوو جار تووشی جەڵتەی دڵ و جارێکیش تووشی جەڵتەی مێشک هاتووە.

دامەزرێنەری ڕێکخراوی بەرگری لە مافی مرۆڤی کوردستان، زۆرجار وتوویەتی: زیندانی کردنی کەبوودوەند نایاساییە و دژایەتی لەگەڵ بنەماکانی مافی مرۆڤ و پەیماننامە نێودەوڵەتییەکان هەیە و ئازاد کردنی کەبوودوەند دەبێ بێ مەرج بێت.


7 ساڵ و 1 مانگ و 4 ڕۆژ و 23 کاتژمێر و 41 خوله‌ک له‌مه‌وپێش‌

پاش 10 ساڵ سەرۆکی رێکخراوی مافی مرۆڤی کوردستان بە دانانی بارمتە ئازاد دەکرێ

پاش 10 ساڵ سەرۆکی رێکخراوی مافی مرۆڤی کوردستان بە دانانی بارمتە ئازاد دەکرێ

په‌ڕه‌ تایبه‌تیه‌کانی ماڵپه‌ڕ

په‌یوه‌ندی گرتن


ژماره‌ی ته‌له‌فۆن کوردستان : 07506206655 (00964)
ژماره‌ی ته‌له‌فۆن کوردستان : 07504687209 (00964)
ژماره‌ی ته‌له‌فۆن کوردستان : 07504497138 (00964)
ژماره‌ی ته‌له‌فۆن ئوروپا     : 0767676746   (0046)
ژماره‌ی ته‌له‌فۆن ئوروپا       : 040331264   (0047)



په‌یوه‌ندی ئه‌له‌کترۆنی:



[email protected] 
[email protected]
xebatmedia@sazmanixebat.net
[email protected]om

ئۆرگانه‌کانی سازمانی خه‌بات


ڕێکخراوی ئافره‌تانی خه‌باتی کوردستانی ئێران 

ڕێکخراوی لاوانی خه‌باتی کوردستانی ئێران