بەبۆنەی ئازادبوونی محەمەد سدیق کەبودوەندەوە کاک بابەشێخی حوسێنی سکرتێری گشتی سازمانی خەبات ی کوردستانی ئێران لە پەیامێکدا پیرۆزبایی ئازادبوونی ناوبراو دەکات
بەبۆنەی ئازادبوونی محەمەد سدیق کەبودوەندەوە کاک بابەشێخی حوسێنی سکرتێری گشتی سازمانی خەبات ی کوردستانی ئێران لە پەیامێکدا پیرۆزبایی ئازادبوونی ناوبراو دەکات.
بەرێزیان لەو بارەوە نووسیویەتی: ئازادی بەرێزتان لە دوای رەنج و شکەنجەی رۆحی و جەستەیی و 10 ساڵ خۆراگری کەم وێنە لە بەرانبەر دەرد و مەینەتیەکان و نەخۆشی سەخت هەمووانی شاد کرد.
لە بەشێکی دیکەی بەرێز سکرتێری گشتی دا هاتووە: ئەو دەسەڵاتە ناتوانی بە کوشتن، زیندانی کردن و شکەنجە بریاری ئازادیخوازان بۆ هێنانەدیی جیهانێکی نوێ بە دوور لە ئازارو شکەنجە بوێستێنن.
دەقی پەیامەکەی کاک بابەشێخ:
بەرێز محەمەد سدیق کەبودوەند!
بە بۆنەی ئازدایتان لە زیندانە بەدناوەکانی ڕێژیمی ئاخوندی خۆشحاڵم.
ئازادی بەرێزتان لە دوای رەنج و شکەنجەی رۆحی و جەستەیی و 10 ساڵ خۆڕاگری کەم وێنە لە بەرانبەر دەردو مەینەتیەکان و نەخۆشی سەخت هەمووانی شاد کرد.
گەلی کورد بە تێکۆشانی لە خۆبوردوانەی چەندین ساڵەو هەروەها بە تێکۆشانی کەسانی دڵسۆزو نەبەزی وەک بەرێزت دەگاتە ئامانج و گومانیش نیە بەختەوەرەی و سەربەرزی کورد بە مقاومەتی کەم وێنەی بەرێزتان و باقی زیندانیە سیاسیە تێکۆشەرەکانی رێگەی حەق و ئازادی و تێکرای خەباتکاران و ڕۆڵە نەبەزەکانی وەدی دێ.
خۆڕاگری بەرێزتان لە ماوەی 10 ساڵی تەمەنتدا لە زێندان، ئەو راستیەی سەلماند کە جەللادەکان ناتوانن تێکۆشەرانی رێگەی دادگری و ئازادی بە شکەنجەو هەرەشە بە چۆکدا بێنن و لە هەمانکاتدا ئەو راستیەشی سەلماندەوە کە دەسەڵاتی ئاخوندی دژمنی سەرەکی ئازادیەو بەرپرسانی ئەو رژێمە داکۆکی لە درندەترین شێوەی دەسەڵاتی دیکتاتۆری دەکەن.
ئەو دەسەڵاتە ناتوانی بە کوشتن، زیندانی کردن و شکەنجە بریاری ئازادیخوازان بۆ هێنانەدیی جیهانێکی نوێ بە دوور لە ئازارو شکەنجە بوێستێنن .
گومان نیە گەلی مافخوازی کورد کە خاوەنی تێکۆشەرانی خۆراگرو نەبەزی وەک بەڕێزتە کە لە بەرانبەر قورسترین جۆرەکانی شکەنجەو ئازاری رۆحی و جەستەیی زۆر زەحمەت، مقاومەتی کەم وێنەتان، وای کرد بریاری نەبەزی تاسەرکەوتن بە سەر شکەنجەو دیکتاتۆریدا سەرکەوێ و گەلی کورد شانازیەکی دیکەی لە خەباتی مافخوازانەو حەقخوازانە لە بەرانبەر دژمنی ئازادی دەست بکەوێ.
جارێکی دیکە لە لایەن خۆم و تێکرای ریزەکانی سازمانی خەبات ی کوردستانی ئێران پیرۆزباییتان پێشکەش دەکەم بە بۆنەی ئازادیتان و تەمەن درێژی و سەڵامەتیتان لە خودای گەورە داواکارم.
سازمانی خەبات ی کوردستانی ئێران
سکرتێری گشتی
بابەشێخ حوسەینی
