سازمانی خه‌بات ی
کوردستانی
ئێران
بەپێی راپۆرتی راگەیەنە نێونەتەوەییەکان فرۆکە شەڕکەرەکانی هاوپەیمانی بە رێبەری ئەمریکا رۆژی پێنج شەممە 28ی بانەمەڕی 1396 کاروانێکی ئەرتەشی ئەسەد لەگەڵ تاقمە چەکدارەکانی رژێمی ئێرانیان کردۆتە ئامانج.
بەپێی راپۆرتی "مزاحم السلوم" لە هێزەکانی ئوپزسیۆنی سوری، ئەو کاروانە لە رێ دا بوو بۆ بنکەی سەربازی "التنف" لە باشووری سوریە کە شوێنی جێگیربوونی هێزە تایبەتەکانی ئەمریکایە.
هەواڵدەری رۆیتێر لە زمان مزاحم السلومەوە زیادی کرد: فرۆکەکانی هاوپەیمانی لە کاتێکدا هێرشیان کردە سەر ئەو کاروانە کە لە 27 کم ئەو بنکە سەربازیە لەگەڵ هێزەکانی ئوپزسیۆن وەشەر هاتن. سەربازانی ئوپزسیۆن دەڵێن: ئێمە هاوپەیمانانمان ئاگادار کردەوە کە لەلایەن ئەرتەشی سوریە و تاقمە چەکدارەکانی رژێمی ئێرانەوە هێرشمان کراوەتەسەر و فرۆکە شەڕکەرەکانی هاوپەیمانان بە هاناوە هاتن و ئەو کاروانەیان لەناوبرد.
لەلایەکی دیکەوە شەعید سەیف لە بەرپرسانی ئەرتەشی ئازادی سوریە گوتی کە دەستێوەردانی ئەمریکا یارمەتی شۆرشگێڕان دەکا بۆ ئەوە ناوچەکانی ژێر کونترۆڵی خۆیان لە بەرامبەر هێرشەکانی داهاتووی ئەرتەشی سوریە و گروپەکانی سەر بە رژێمی ئێران بپارێزن.
