رژێمی ئێران 9 بەندکراوی لە یەک رۆژدا لەسێدارە دا

خەباتمێدیا: بەپێی هەواڵەکان، بەرەبەیانی رۆژی سێ شەممە 2ی جۆزەردان، رژێمی دژە مرۆی ئاخوندان لە شارەکانی زاهیدان، ئەردەبێڵ، ئەراک، تەورێز و کرماشان 9 بەندکراوی لەسێدارە داوە.

لە ئەردەبێڵ بەندکراوێکی 50 ساڵەی خێزاندار بە ناوی داوەر هەمدەرد لەسێدارە داوە.

لە گرتووخانەی زاهیدان بەندکراوێکی 30 ساڵە بە ناوی عەبدولکەریم شەهنەوازی لە دوای 6 ساڵ زیندان لە قەنارەدا.

لە گرتووخانەی ناوەندی ئەراک دوو بەندکراو ئێعدام کراون. لە کرماشان بەندکراوێک بە ناوی مێهران عەسکەری 33 ساڵە لە دوای 5 ساڵ زیندان ئێعدام کرا.

هەروەها لە بەندی 9ی بەندیخانەی تەورێز 5 بەندکراو بە ناوەکانی کازم حەجاجی، سەید عەلی موسەوی و جار فەخری خەڵکی شەبستەر لە دوای 9 ساڵ زیندان لەسێدارە دران هەروەها ناونیشانی دوو ئێعدام کراوەکەی دیکە روون نیە.