خاتوونێکی نیشتمان پەروەری بڵەسەنی ناوچەی بانە کۆچی دوایی کرد

بەپێی هەواڵ، رۆژی چوارشەممە 10ی جۆزەردانی 1396، خاتوو فاتیمە قادری هاوسەری حاجی مەحمودی بڵەسەن لە تەمەنی 82 ساڵی دا کۆچی دوایی کرد.

فاتیمە خانم مرۆڤێکی نیشتمان پەروەر و خۆراگر و کەسایەتیەکی خۆشنێوی لە ناوچەکەدا هەبوو، هەروەها حاجی مەحمودی هاوسەرى یەکێکە لە کەسایەتیە دیار و نیشتمانپەروەر و بەرێزەکانی  ناوچەی کێوی بڵوو و بانە٠Šه بە گشتی. فاتیمە خانم پووری تێکۆشەری دێرینی ریزەکانی سازمانی خەباتی کوردستانی ئێران و بەرپرسی کۆمیتەی نۆروێژی سازمان کاک عەبدولا قادریە.

بەو بۆنەوە پرسەو سەرەخۆشی لە بەرێز حاجی مەحمودی بڵەسەن و تێکڕای خانەوادەی سەربەرزیان و کەس و کاری فاتیمە خانم و کاک عەبدوڵا قادری دەکەین و خۆمان بە شەریکی خەم و پەژارەیان دەزانین و داوا لە خوای کردگار دەکەین بەر رەحمەتی خۆی بخات و بەهەشت دوا مەنزڵگەی بێ.