سازمانی خه‌بات ی
کوردستانی
ئێران
رۆژی یەک شەممە رێکەوتی 10ی خەزەڵوەری 1394 بەرێز کاک بابەشێخ حسێنی بەرێوەبەری گشتی سازمانی خەبات ی کوردستانی ئێران وێرای بەشێک لە ئەندامانی سەرکردایەتی مەقەری سازمانی خەبات لە بەرەکانی شەر دژی داعشی بەسەر کردەوە و لە رێورەسمێک دا رێز لە 10ی خەزەڵوەر رۆژی پێشمەرگەی سازمانی خەبات ی کوردستان گیرا. سەرەتای رێورەسمەکە بە دەقیقەیێک بێدەنگی بۆ رێز گرتن لە یاد و روحی شەهیدانی کوردستان دەستی پێکرد و
رۆژی یەک شەممە رێکەوتی 10ی خەزەڵوەری 1394 بەرێز کاک بابەشێخ حسێنی بەرێوەبەری گشتی سازمانی خەبات ی کوردستانی ئێران وێرای بەشێک لە ئەندامانی سەرکردایەتی مەقەری سازمانی خەبات لە بەرەکانی شەر دژی داعشی بەسەر کردەوە و لە رێورەسمێک دا رێز لە 10ی خەزەڵوەر رۆژی پێشمەرگەی سازمانی خەبات ی کوردستان گیرا. سەرەتای رێورەسمەکە بە دەقیقەیێک بێدەنگی بۆ رێز گرتن لە یاد و روحی شەهیدانی کوردستان دەستی پێکرد و پاشان پەیامی کومیتەی ناوەندی بەو بۆنەوە لە لایەن بەرێز خاتوو زێنەب حسێنی ئەندامی کومیتەی ناوەندی سازمانی خەبات ی کوردستان پێش کەش کرا، لەدوای پێش کەش کردنی پەیامی کومیتەی ناوەندی بەرێز کاک بێهروز ئەردەڵان کارگیری کومیتەی ناوەندی و بەرپرسی کومسیونی سیاسی نیزامی سازمانی خەبات سەبارەت بە رۆژی پێشمەرگە و کەسایەتی و نرخی پێشمەرگە قسەی کرد. لەناو ئاخنی رێورسمەکە چەندین شیعر و سرودی شۆڕشگیرانە لە لایەن پێشمەرگەکانی هیزی یەکشەوەی سازمانی خەبات پێش کەش کران. لە بڕگەیێکی دیکەی رێورەسمەکە لە لایەن دوو منداڵی ریزەکانی شۆڕش گوڵ بەسەر پێشمەرگەکان دابەش کرا و بە چەپلە رێزان، رێزیان لێگیرا. هەر لەو رێورەسمەدا باسی شەری قارەمانانەی هەژدە دۆلان کە تێیدا هیزێکی یەکجار گەورەی رژیمی تازە بە دەسەڵات گەیشتووی ئاخوندی تێک شکێندرا و حەماسەیێکی کەم وێنە خوڵقیندراو بە رۆژی پێشمەرگەی سازمانی خەبات ناودێر کرا بە وردی تیشکی خرایە سەر و بیرەوەرییەکانی ئەو رۆژانە زیندوو کرانەوە و هەروەها کۆمەڵیک رێنوێنی و راسپاردەی بەسوود پێش کەش بە پێشمەرگەکانی هێزی یەکشەوەی سازمانی خەبات کران کە لە ئێستا دا لەبەرەکانی شەر لەبەرانبەر ترۆریستانی داعش لە جەنگ و رووبەرووبوونەوە دان.
