شۆرای ملی مقاومەتی ئێران بنکە موشەکیەکانی رژیمی ئاشکرا کرد

رۆژی سێ شەممە 30 جۆزەردانی 1396، فاکس نیوز راپۆرتێکی لەپێوەند بە کونفرانسێکی چاپەمەنی شۆرای ملی مقاومەتی ئێرانی کە تایبەت بوو بە ئاشکرا کردنی بنکە نهێنیە موشەکیەکانی رژیمی ئێران، بڵاو کردەوە.

ئەو تەلەفزیۆنە رایگەیاند کە ئوپزسیۆنی ئێران 42 بنکەی موشەکی رژیمی ئێرانی ئاشکرا کردوە کە 12 لە بنکانە پێشتر ئاشکرا نەببوون. رژیمی ئێران لەو بنکانە بە هاوکاری کارناسانی کورەی باکور تیایاندا مووشەکی بالستیک ساز دەکات.

لەو کونفرانسەدا رۆژی سی شەممە شۆرای ملی مقاومەتی ئێران وردەکاری کارکردنی ئەو بنکە مووشەکیانەی ئاشکرا کرد. لەو کونفرانسە ئەوە باس کراوە کە رژیمی ئێران لە دوای بەرجام پەرەی بە بەرنامەی مووشەکی خۆی داوە.

شۆرای ملی مقاومەت گوتوویەتی کە خامنەیی داوای لە هەوا فەزای سپای پاسداران کردووە کە فەرمانی پەلە کردن لە دروست کردنی مووشەک جێبەجێ بەکەن.

زانیاریەکانی نیو ئەو راپۆرتە لەلایەن سازمانی موجاهیدینی خەلقی ئێرانەوە کۆکرابوونەوە.

لە نێو ئەو 42 پێگە مووشەکیەدا، پازدەیان تایبەتن بە دروست کردنی مووشەکی بالستیک و 25 بنکەش بۆ هەڵگرتن و ئەنبار کردنی ئەو مووشەکانە بەکار دەبرێ. 13 پێگەش بۆ هاویشتنی مووشەک بەکاردەهێندرێ و 8 پێگەش بۆ پەروەردە و فێرکردنی دەستە و هێزی تایبەتی بە بەکارهێنان.

عەلیرەزا جەعفەرزادە گوتی کورەی باکوور لە نزیکەوە لەگەڵ رژیمی ئێران بۆ پەرەپێدانی بەرنامەی مووشەکی کار دەکات.