سازمانی خه‌بات ی
کوردستانی
ئێران
رێکخراوی چاودێری مافی مرۆڤی سوریە لە زمان ئەمیرێکی پلەبەرزی تاقمی ترۆریستی داعشەوە هەواڵی کوشتنی ئەبوبەکر بەغدادی پشت راست کردەوە.
بەپێی راپۆرتی هەواڵدەری فەرانسە، رامی عەبدورەحمان بەرێوەبەری ناوەندی چاودێری مافی مرۆڤی سوریە رایگەیاند کە فەرماندەیەکی پلەبەرزی داعش لە دێرەزووری سوریە رۆژی سێ شەممە 20ی پووشپەر هەواڵی کوشتنی ئەبوبەکر بەغدادی پشت راست کردۆتەوە، بەڵام رێکەوتی کوشتنەکەی روون نیە.
سەلەبەیانی سێ شەممە ماڵپەری "سومر نیوز" هەواڵی دا کە داعش بە بڵاوکردنەوەی بڵاوکراوەیەکی کورت کوژرانی ئەبوبەکر بەغدادی پشتراست کردۆتەوە و رایگەیاندووە کە بە زووترین کات ناوی خەلیفە نوێکەیان رادەگەیەندرێ.
پێشتر وەزارەتی دیفاعی روسیە رایگەیاندبوو کە ناوچەی رەقەی بوردومان کردوە کە بە ئەگەری زۆر ئەبوبەکر بەغدادی کوژراوە.
