سازمانی خه‌بات ی
کوردستانی
ئێران
رۆژی پێنج شەممە رێکەوتی29ی پووشپەری 1396، 20/7/2017 لە هۆڵی رێکخراوە ناحکوومیەکان له شاری هەولێر بە ئامادەبوونی کۆمەلێک رێکخراو و کەسایەتی سیمینارێک
رۆژی پێنج شەممە رێکەوتی29ی پووشپەری 1396، 20/7/2017 لە هۆڵی رێکخراوە ناحکوومیەکان له شاری هەولێر بە ئامادەبوونی کۆمەلێک رێکخراو و کەسایەتی سیمینارێک بۆ یادی حەوت ساڵەی کۆچی دوایی مامۆستا سەید جەلالدینی حوسەینی بەرێوە چوو. بەمەبەستی رێزگرتن لەیاد و ناوی جەنابی مامۆستا سەیید جەلال حسێنی رێبەری نەتەوەیی گەلەکەمان لە کوردستانی ئێران و هەروەها دامەزرێنەری سازمانی خەبات سیمیناریک بە دوو پانێلی ئەدەبی و سیاسی بو هەر دوو بەرێز، دکتۆر رەحیم سورخی مامۆستای زانستگای سەلاحەدین بە بابەتی ئەدەبی و کاک رێبوار حسێنی ئەندامی دەفتەری سیاسی سازمانی خەبات بە بابەتی سیاسی سیمینارێک لە ژێر ناوی مامۆستا شێخ جەلال لە دوتویی ئەدەب و سیاسەت دا، بەرێوەچوو.
لە پانێلی یەکەم بەرێز دکتور رەحیم سورخی لە بابەتێکی تێر و تەسل دا ژیانی ئەدەبی مامۆستای خستە بەرباس و لەسەرتای بابەتەکەی دا ناوبراو ووتی: لە بەرهەمە ئەدەبیەکان مامۆستا دوو بابەت زور گرینگین، یەکیان سرووشتە و ئەوەی تریان شۆڕشە. دکتۆر رەحیم گووتاری شیعری جەنابی مامۆستای بە گووتاری موقاومەت زانی و ووتی: ئەو کاتەی زمانی ئاسایی تیکدەشکیندرێ شیعر دروست دەبێ و رادەی لادان لە زمانە ئاساییەکە دەبیتە بنەمای رێژەی شیعریەت دواجار گووتاریکی ئەدەبی دروست دەبێ. بەو پێیە مامۆستا شیخ جەلال دەچیتە ناو گووتاری شیعری موقاومەت. دکتۆر رەحیم ووتی مامۆستا شیخ جەلال شاعیرێکی ئەخلاقی بووە و لەنێو ئەدەبیاتی جەنابی مامۆستا کورد و ئازادی دەبینی و ئەگەرچی مامۆستا کەسیکی سەر بە سازمانی خەبات بوو بەڵام لەتەواوی بەرهەمەکانی کورد بە پێوەری سەرەکی دادەندرێ و مامۆستا کەسیکی نەتەوەیی بە تەواوی مانا بووە.
لە پانێلی دووهەم بەرێز کاک رێبواری حسینی ئەندامی دەفتەری سیاسی بابەتێکی تیروتەسلی لەسەر ژیانی سیاسی جەنابی مامۆستا پێش کەش کرد و لەسەرەتای شکل گرتنی کەسایەتی سیاسی جەنابی مامۆستا لە کۆمەڵەی ژیانەوەی کورد بە خواردنی سوێندی وەفا و ئەندامەتی بۆ ئەو کومەڵەیە دەستی پێکرد و تێشکی خستە سەر هەموو قوناغەکانی ژیانی سیاسی جەنابی مامۆستا سەیید جەلال حسینی. بەرێزیان لەدرێژەی باسەکەی دا باسی لە قوناغی رێبەرایەتی جەنابی مامۆستا لەسەرەتای شۆڕشی گەلانی ئێران کرد و دەوری جەنابی مامۆستای لەو ناوچەیە بە دەوری یەکلایکەرەوە بۆ سەرکەوتنی راپەرینی خەڵک لە قەلەم دا و هەروەها تیشکی خستە هەڵسووران و تێکۆشانی مامۆستا لەچوارچێوەی دەفتەری مامۆستا شێخ عیزەدین و ئەو شانازییانەی لەو ماوەیەدا بو جولانەوەی گەلەکەمان تۆمار کرا. دوایین قوناغیش باس کردن لە قوناغی دامەزراندنی تەشکیلاتێکی سیاسی لە ژێر ناوی سازمانی خەبات ی کوردستانی ئێران و دەوری ئەو تەشکیلاتە لە جولانەوەی گەلەکەمان لە کوردستانی ئێران بوو.
لەنێوان هەردوو پانێلەکە فیلمێک لەسەر ناساندنی بیروئەندێشەی جەنابی مامۆستا لەسەر پرسەکانی دیموکراسی و خەباتی نەتەوەیی و نیشتمانی پێش کەش بە ئامادەبووان کرا.
