هێزە سەرکوتگەرەکانی رژیم لە روانسەر پێنج هاوڵاتیان دەستبەسەر کردووە

هێزە سەرکوتگەرەکانی رژیمی ئێران لەماوەی ڕۆژانی ڕابردوودا ٥ هاووڵاتیان لە شاری روانسەر دەستبەسەر کردووە.

بەپێی هەواڵ، لە چەند رۆژی رابردوودا هێزە ئەمنیەتیەکانی رژیمی ئێران لە شاری ڕوانسەر پێنج هاووڵاتیان لە دێی قوڕیقەڵا ی سەر بە بەخشی شاهۆی ڕوانسەریان دەستبەسەر و بۆ شوێنێکی نادیاریان گوستووەتەوە.

سایتی هەنگاو ناوی ئەو پێنج هاووڵاتیەی بەم شێوەیە بڵاو کردۆتەوە:

 ئومید فەیزی کوڕی ئەمیر

 ئەسعەدی سەیادی کوڕی حوسێن

موسلم نادری کوڕی مەنسوور

 بێهنام بەهرامی کوڕی محەممەد سەعید

یەعقووب باباخانی کوڕی مەحموود

ئەو سەرچاوەیە هەروەها رایدەگەیەنێ‌ کە ئەو ٥ هاووڵاتییە کوردە بە تۆمەتی چالاکی مەزهەبی دەستبەسەر و ڕوانەی شوێنێکی نادیار کراون.