سازمانی خه‌بات ی
کوردستانی
ئێران
هێرشی ترۆریستی رژیم بۆ سەر هێزەکانی ئوپوزسیون لە دەرەوەی وەڵات بە تایبەت عێراق وکوردستان رابردوویێکی هەیە.لە ساڵەکانی 1990بەم لاوە کە کوردستان بووە مەیدانی تەراتێنی رژیم وبە کرێگیراوانی،زۆرترین قۆربانی وەبەر سازمانی خەبات وحیزبەکانی دیکە کەوت.لە کۆی هیرشی ترۆریستی بۆ سەر شۆرشگێران نێزیک بە 400 کەس شەهید بوون وسەدانی دیکەش بریندار.لە ساڵەکانی 2000بەم لاوە تەوژمی ترۆر وڕەشەکوژی رژیمی ئاخوندی کەمتر بۆوە وبە هۆی هوشیاربوونەوەی خەڵک ودەرکەوتنی ماهیەتی دژەکوردانەی رژیم و گۆڕانی بارودۆخی ئابووری کوردستان ڕژیمی ترۆریست وترۆریست پەروەری ئاخوندی دەستی کورت بۆوە وتا رادەیێک ئەمنیەت وئۆقرەیی بۆ هێزەکانی رۆژهەڵات لە باشوور گەراوەتەوە.دیارە هەتا ئێستاش رژیم پلانی کردەوەی ترۆریستی دەگێڕێت وهیچ کات غافڵ نەبووە لە پیلانی ترۆری نەیارانی لە کوردستان،بەڵام وەک پێشوو ئەو کردەوانەی بۆ ئەنجام نادرێت.لە ماوەی رابردوودا چەندین پلانی ترۆریستی لە دژی حیزبەکان بەرێوەبردوە ولە نوێترین کردەوەی کردەوەی ترۆریستیدا ویستی چەند کەس ترۆ بکات وبنکەکان بتەقێنێتەوە و دەیهەوێت جارێکی دیکە ترس وتەوەحوش لە نێو بنکەی حیزبەکان دروست بکات و وبۆ ئەم مەبەستەش لەو ئاڵۆزیە سیاسیەی هەریم کەڵک وەردەگرێت. لە حاستی عێراق،کە دەسەڵات بە دڵی ئاخوندانە وپێشتر نووری مالکی نوێنەرایەتی قازانجەکانی رژیمی لە بەغدا دەکرد،هێرشی ترۆریستی دەکردە سەر موجاهیدین وبۆ خۆدەرباز کردن لە لۆمەی رۆژئاوا،لە رێگەی جەیشی موختار ورێکخراوە ترۆریستیە نەناسراوەکانی دیکە،هێرشەکانی وەئەستۆ دەگرت. پێشتر کەمپی ئەشرەفیان دایە بەرهێرش ولە چەند کردەوەیێکی دڕندانەدا دەیان کەسیان لەو شوێنە کردە قۆربانی. ئێستاش کەمپی لیبرتی هەڵکەوتوو لە بەغدا، بۆ چەندەمین جاردەکەوێتە بەر هێرش و رژیم گەرەکیەتی لەو قۆناغەدا کە دۆخی ناووچەکە بە دڵخوازیەتی کەڵک وەربگرێت ولەژێر ناوی جۆراوجۆر نەیارانی ترۆروکۆمەڵکوژ بکات.نێزیک بە مانگێک بەرسەر هێرشی وەحشیانەی رژیم ودەست وپێوەندەکانی بۆ سەر لیبرتی تێدەپەرێت.ئەو هێرشە دڕندانەی کە بۆ لە ناوو بردنی دانیشتوانی لیبرتی ئەنجام درا ،بە کەڵک وەرگرتن لە فەزای ئاڵۆزی سیاسی و کەشی پێک هاتووئەنجام درا. بانگهێشتی رژیم بۆ کونفرانسی نێونەتەوەیی ویەن لە بارەی سوریە، ئاخوندانی لە سەرەڕۆیەکان سوورتر کردوهەر لە یەکەم چرکەی دەسپێکی کۆبوونەوە، بە هاویشتنی 80 موشەک بۆ لیبرتی زیانێکی زۆری گیانی وماڵی بەو رێکخراوە گەیاندو ئەو پەیامەی دا کە ناووچەکە لە ژێر کونترۆڵی دایە وچی پێخۆش بێت دەیکات.زۆرێک لە شوێنەکانی ئاوردا و تەقاندیەوە وبەم جۆرە هاوبەرژەوەندخوازانی رژیم، ئاکامی کردەیی سیاسەتی سازان وباج دانیان بە ئاخوندەکان خستە بەر چاوی هەموان.ئەو هێرشە کە بووە هۆی شەهید بوونی 24 کەس و بریندار بوونی 200 مرۆڤی بێتاوان وخەسارەتی ماڵی زۆری لێکەوتەوە،بەڵام بە ڕوونی دەری خست کە ترسی سەرەکی ئاخوندان لە مەیدانی سیاسی وسەراسەری تا چ رادەیێکە ولە ناسکترین قۆناغەکاندا ناتوانن ترسی هێزی ئوپزسیون لە سەر نیزام لە بیر بکەن. ئاخوندەکان لە دەورانی رێکەوتنی بەرجام وخواردنی پیاڵەی ژەهری ئەتۆمی زیاتر دووکەرت بوون وچەن باڵی زیاتریان تێکەوتووە ولەگەڵ خواستی بەربڵاوی خەڵک لە نێو خۆ وبەرخودانی رۆژلە دووی رۆژی ئەوان بەرەوو ڕوو بوون ولە هەموو لاییکەوە بێهیوا بوون، هەربۆیە پێویستیان بە رۆحیە دانەوە هەیە، بە تایبەت ئەوەی کەلە ئاکامی ئەو ژار خواردنە و کاریگەری ناووچەیی وشکستی یەک لە دووی یەک وزنجیرەیی لە یەمەن،سوریە وعێراق و کوژرانی زۆرێک لە فەرماندەکان وچەندمۆرەی وەلی فەقێ لە سوریە،بەم جۆرە گەرەکیانە رۆحیەی کرێگیراوان بەهێز بکەن.رژیم لە ئێستادا پێویستی بە خۆ دەر خستن هەیە تا دەری بخات کە کونترۆڵی بەسەر بارودۆخەکەدا هەیە وهەموو شتێکیان لە ژێر کونترۆڵ دایە هەر بۆیە تاویان داوەتەکردەوەی ترۆریستی ونەیارانی سیاسی کۆمەڵکوژ دەکەن ودەیانهەوێ بە ترۆری سەرانی کورد وئەندامانی موجاهیدین وا نیشان بدەنەوەکە ئێستاش توانایان ماوە. ئەم کردەوانەی رژیم پێش لە هەموو شتێک ترسە لە موخالفانی سەرەکی وتەنگەتاوی رژیم ئاشکراتر دەکات.
ئاخوندان لە هەر جێگەیێک زیانێک ببینن ،نرخەکەی لە موخالفینیان وەردەگرن ولە ئاور بڕ وکۆتایی شەڕی ئێران وعێراق کە شەڕی ئوپۆزسیونی بە شەڕی عێراقەوە دەبەستەوە بۆ کۆتایی هێنان بە ترسی ناووخۆی ونەهێشتنی دەنگی رەسای زیندانیانی سیاسی وبۆ چاوترسین کردنی جەماوەر ،دەستی دایە قەتڵی عامی زیندانیانی سیاسی لە ساڵی 1367ولە رێگەی فشار بۆ سەر حیزبەکان هەوڵی دا قۆرسایی هێز بۆ خۆیان بگێڕنەوە وکونترۆڵی بارودۆخ بگرنە دەست. ئەمجارە ولە دووی هەڵدانی جامی ژەهر،وەلی فەقێ وورەی ڕووخاو شکاوی بە جینایەت قەرەبوو کردولەم رێگەوە ویستی رۆحیە بدات بە بەکرێگیراوانی. لە دووی پاشەکشێ لە دروست کردنی بۆمبی ئەتۆم وهەست کردن بە داماوی ڕووی کردە توندکردنی سەرکوت وئێعدامی زیاتر لە ناووخۆ و بۆ نەهێشتنی ئەو بارودۆخە، ترۆر وڕەشەکوژی زیاتر دەکەن. ڕوون وئاشکرایە کە بڕیاری ترۆرو هێرش بۆ سەر ئۆپوزسیون، لە بەیتی ڕێبەری خامەنەیی دواکەوتوو دەرچێت و بەرێوەبردنەکەی لە ئەستۆی سوپای ترۆریستی قودس وبەکرێگیراوانیانە کە خۆیان لە چەندین تاقمی جۆراوجۆر لە ناووچەکە دەبیننەوە.بەڵام لەم نێوەدا نابێت ناکارامەیی دەسەڵاتدارانی نێزیک لە رژیم ورێکخراوی نەتەوەکان کە لێپرسراویەتیان بۆ پاراستنی موخالفین و دانیشتوانی ناو کەمپەکانە لەبەر چاو نەگیرێت.هەروەکوو ئەوەی کە لە بەرانبەر چەکدا ماڵینیان ، لەسەر پاراستنی ئەوان پێیان داگرتبۆوە.ئەو بەلێنیەی کە هیچ کات پێبەندی نەبوون وهەموو جارێک لە دووی کوشتاری ئەندامان بە شەرمەوە مەحکومی دەکەن وهیچ هەنگاوێکیان بۆ پاراستنیان هەڵنەگرتوە وکاریان نەکردوە بۆ ئەوەی تاوانباران بناسێنن و بە سزایان بگەیەنن.ئەم جۆرە هەڵوێستانەیان وەک چرا سەوزێکە بۆ کوشتاری دوایی وئاخوندانی ددان وچنگ تیژتر دەکات بۆ ترۆو کۆمەڵکوژی و وەک بینیومانە جینایەت لە دژی مرۆڤایەتی دووبارە دەبێتەوە.ئاخوندان بە بێ خۆ ئامادە کردن ناتوانن جینایەت ئەنجام بدەن.سەرەتا بەناردنی مۆرەکانی ئیتلاعات لە ژێر ناوی خانەوادە بۆ بەر درگای لیبرتی وهاووکات بە ناردنی بەکرێگیراوان بۆ وەڵاتانی جۆراوجۆر بۆ تێکدانی ئارامی وشێوانی فەزای سیاسی دەست پێدەکەن.لەلایێکەوە هاوسەنگەرانی ویلایەت لە تەلەفزیون وماڵپەرەکان وسایتی زنجیرەیی وەزارەتەکان سوکایەتیان بە شۆرشگێران گەیاندۆتە لوتکە تا ڕقی بەکرێگیراوانیان زیاتر بکەن وئەو بەستێنە خۆش بکەن کە خوێنی شۆرشگیران بۆ ئەوان حەڵال بکرێت.ئەوانە کارەکانیان دابەشیوە وجینایەتیان خستۆتە سەر شانی پاسدارانی بروون مەرزیان وگەرەکیانە لە ئاوی لێل ماسی بگرن ولەم ئاشوفتەبازارەدا بە ئیشتیای خۆیان رۆڵە خەباتکارە ماندوویی نەناسەکانی شۆرشی ئازادیخوازانە بۆ دابین کردنی دیموکراسی لە ئێران وکوردستان لە ناوو بەرن،بەڵام ئەم کردەو کارانەی رژیم نەک هێزی گۆڕان وشۆرشی لاواز نەکردوە، بەڵکوو بۆتە هۆی وورە ورۆژ لە دووی رۆژ سەنگەری دژە ئیستبدادو دیکتاتۆری لە کوردستان وئێران ئاوەدانتر دەبێت .
