هێزە سەرکوتگەرەکانی رژیم لە شاری بانە دوو هاووڵاتیان دەستبەسەر کردووە

 لەگەڵ سەرکەوتنی پرۆسەی گشتپرسی کوردستانی باشور و شکست پێهێنانی پیلانەکانی رژیمی ئێران دژ بە هەوڵەکانی کورد لەو بەشەی کوردستان، خەڵکی کوردستانی رۆژهەڵات بەردەوام بوون لەسەر  دەربرینی هەستی خۆشی و لە زۆربەی شارەکان ئاهەنگ و شاییان بەرێوەبرد لە بەرانبەردا ئەو  رژیمە دژە مرۆڤایەتی و داپڵۆسێنەرەی ئاخوندان، کەوتە گرتن و راوەدوونانی هاووڵاتیان و هەتا ئێستا رەشبگیری هێزەکانی رژیم بەردەوامە.

بەپێی هەواڵەکان هێزە سەرکوتگەرەکانی رژیم لە شاری بانە دوو هاوڵاتی دیکەی خەڵکی شاری بانەیان دەستگیرکردووە.

هەواڵدەری کوردپا ناوی ئەو دوو کەسە دەستبەسەرکراوانەی بە مەنسوور ئەسراری تەمەن 60 ساڵ و سروش ئەحمەدی راگەیاندووە.