سازمانی خه‌بات ی
کوردستانی
ئێران
رۆژی هەینی 14ی رەزبەری 96 عادڵ ئەلجوبەیر وەزیری دەرەوەی عەرەبستان رایگەیاند رژیمی ئێران ئێستاش گەورەترین پشتیوانی ترۆریزمە لە جیهاندا. هەروەها باسی لەوەش کرد پ
رۆژی هەینی 14ی رەزبەری 96 عادڵ ئەلجوبەیر وەزیری دەرەوەی عەرەبستان رایگەیاند رژیمی ئێران ئێستاش گەورەترین پشتیوانی ترۆریزمە لە جیهاندا. هەروەها باسی لەوەش کرد پێویست تاران دەست هەڵگرێ لە پشتیوانی ترۆریسم و تێکدانی ئاسایشی وڵاتان لە ناوچەکەدا
ناوبراو لە درێژەدا وتی: رژیمی ئێران هێرش دەکاتە سەر کونسولگەریەکان و دیپلۆماتکارەکانی بە پێچەوانەی قانونە نێو نەتەوەییەکان و قانونەکانی تایبەت بە مافی مرۆڤ، ترۆر دەکات. رژیمی ئێران هەول دەدات کە بابەتی تەقەمەنی و موشەک و پێداویستیەکانی تاقمە چەکدارە ترۆریستەکان لە سوریەو یەمەن و باقی وڵاتانی دیکە دابین بکات. وەزیری دەرەوەی عەرەبستان هەروەها وتی: رژیمی ئێران بە هۆی پشتیوانی لە ترۆریزم، کەوتۆتە ژیر تەحریمەکانی رێکخراوی نەتەوە یەکگرتووەکان. ئەو رژیمە بڕیارنامەی تایبەت بە موشەکی بالستیکی پشت گوێ خستووەو دەیهەوێ بە دەستتێوەردان لە کارەباری وڵاتانی دیکەی وەک: عراق و سوریەو یەمەن و لوبنان و وەڵاتانی ناوچەکە و پاکستان و ئەفغانستان نفوزی خۆی زیاد بکات.
ناوبراو لە کۆتای قسەکانیدا وتی: ئەگەر رژیمی ئێران دەیهەوێ ئەندامێکی فەعالی نێونەتەوەیی بێ، دەبێ دەست لەو جۆرە کارانە هەڵگرێ.
