سازمانی خه‌بات ی
کوردستانی
ئێران
رۆژی هەینی رێکەوتی 11/12/2015 لە شاری هامبورگی وەڵاتی ئاڵمان رێپێوانێک بە مەبەستی مەحکووم کردنی پێشێلکاریی مافەکانی مرۆڤ لە ئێران و هەروەها پشتیوانی لە زیندانیانی سیاسی بە تایبەتی گیراوانی سیاسی کورد لە ئێران رێپێوانێک رێکخرا. ئەو رێپێوانە کە بە پشتیوانی رێکخراوی مافی مرۆڤ لقی هامبورگ رێکخرابوو تێیدا بەشێکی بەرچاو لە ئەندامانی حیزب و رێکخراوەکانی کوردستانی بەشدارییان کرد و دروشمی ئازادی بۆ خەڵکی ئێران و ئازاد کردنی زیندانیانی سیاسیان بەرز کردەوە و لەم رێگەوە سیاسیەتەکانی رژیمی ئاخوندییان لە راست مافەکانی مرۆڤ شەرمەزار کرد و هەروەها پشتیوانیان لە زیندانیانی سیاسی کورد و ئێرانی دووپات کردەوە. هەر لەو خۆپیشاندانەدا هاوەڵاتیان و چالاکانی مافی مرۆڤی ئاڵمان هاودەنگیان لەگەڵ خۆپیشاندەران کرد و پشتیوانیان لە داوا رەواکانی خۆپیشاندەران دەربڕی.
جێگەی باسە هەیئەتێکی کومیتەی ئاڵمانی سازمانی خەبات ی کوردستانی ئێران بە سەرپەرشتی بەرێز کاک کەماڵ تەوکووڵی لەو رێپێوانەدا بەشداریی چالاکانەیان کرد. 
