سازمانی خه‌بات هێرشی پاسداران و حشدی شعبی بۆ سه‌ر هه‌ریمی کوردستان محکوم ده‌کات

هاونیشتمانیانی تیکۆشه‌‌‌ر!

ناوه‌‌‌ندە جیهانیه‌‌‌کانی پارێزه‌‌‌ری مافی مرۆڤ!

ماوه‌‌‌ی چه‌‌‌ند رۆژه‌‌‌ هێزی پاسدارانی رژیمی ئیران و حشدی شه‌‌‌عبی به‌‌‌کریگیراوی ئەو رژێمە، هیرشێکی درندانه‌‌‌یان کردۆته‌‌‌ سه‌‌‌ر شاری که‌‌‌رکوک و  شاروناوچه‌‌‌کانی دیکه‌‌‌ی هه‌‌‌رێمی کوردستان و تا ئێستا ده‌‌‌یان که‌‌‌س له‌‌‌ دانیشتوانی کوردستانیان شه‌‌‌هیدو بریندار کردوه‌‌‌و زیانی زۆریان به‌‌‌ ماڵ وشوێنی ژیانی خه‌‌‌ڵک گه‌‌‌یاندوه‌‌‌و هه‌‌‌ر به‌‌‌و بۆنه‌‌‌وه‌‌‌ ده‌‌‌یان هه‌‌‌زار که‌‌‌س له‌‌‌ دانیشتوانى کوردستان ئاواره‌‌‌ بوون.

ئه‌‌‌و جینایه‌‌‌ت و هێرشه‌‌‌ درندانه‌‌‌یه‌‌‌ی پاسداره‌‌‌کان بۆ سه‌‌‌ر هه‌‌‌رێمی کوردستان و سه‌‌‌رکوتی بێ‌ به‌‌‌زییانه‌‌‌ی خه‌‌‌ڵک کرده‌‌‌وه‌‌‌یه‌‌‌کی دژی ئینسانی و پێچه‌‌‌وانه‌‌‌ی هه‌‌‌موو بنه‌‌‌ما ئینسانیه‌‌‌کان و له‌‌‌ چوارچێوه‌‌‌ی پیلانی رژێمی ئێراندایه‌‌‌ بۆ ده‌‌‌ست راگه‌‌‌یشتن به‌‌‌ وولاتانی ناوچه‌‌‌که‌‌‌و ئاوه‌‌‌ڵه‌‌‌بوونی رێگه‌‌‌ی زه‌‌‌مینی بۆ پێوه‌‌‌ندی به‌‌‌ هێز و ده‌‌‌سته‌‌‌و تاقمه‌‌‌کانی له‌‌‌ لوبنان و سوریه‌‌‌و هه‌‌‌روه‌‌‌ها زه‌‌‌ربه‌‌‌تدان له‌‌‌ ئیراده‌‌‌ی گه‌‌‌لی کورد له‌‌‌ هه‌‌‌رێمی کوردستانی عێراق.

سازمانی خه‌‌‌باتی کوردستانی ئێران زۆر به‌‌‌ توندی هێرشی هێزه‌‌‌کانی عێراق و پاسداره‌‌‌کان و حشدی شه‌‌‌عبی بۆ سه‌‌‌ر هه‌‌‌رێمی کوردستان مه‌‌‌حکوم ده‌‌‌کات وئاماده‌‌‌یه‌‌‌ بۆ دیفاع له‌‌‌  خه‌‌‌لکی کوردستان و روبه‌‌‌روبونه‌‌‌وه‌‌‌ی هێزه‌‌‌کانی رژێمی ئێران و له‌‌‌ مه‌‌‌یدانی به‌‌‌رگری له‌‌‌ دژمندایه‌‌‌.

هه‌‌‌ر به‌‌‌و بۆنه‌‌‌وه‌‌‌ سازمانی خه‌‌‌بات داوا له‌‌‌ وولاتانی خاوه‌‌‌ن هێزو رێکخراوی نه‌‌‌ته‌‌‌وه‌‌‌یه‌‌‌کگرتوه‌‌‌کان و هێزه‌‌‌کانی هاوپه‌‌‌یمانان له‌‌‌ عێراق ده‌‌‌کات سنوورێک بۆ هێرشی ناره‌‌‌وای هێزه‌‌‌ جینایه‌‌‌تکاره‌‌‌کانی رژیمی ئێران که‌‌‌ خۆیان له‌‌‌ چوارچێوه‌‌‌ی هێزی سه‌‌‌ربازی عیراقدا جیگیر کردوه‌‌‌ دانین. 

سازمانى خه‌‌‌بات ى کوردستانى ئیران

21 ئوکتۆبرى 2017