جێگری سه‌رۆکی ئه‌مه‌ریکا: ئێران سپۆنسه‌ری تیرۆره‌ له‌ سه‌رانسه‌ری جیهان

 مایک پێنس، جێگری سه‌‌‌رۆکی ئه‌‌‌مه‌‌‌ریکا له‌‌‌ پانێلێکی تایبه‌‌‌تدا لەبارەی ده‌‌‌ستێوه‌‌‌ردانی رژیمی ئێران له‌‌‌ عێراق، رایگه‌‌‌یاند که‌‌‌ ئێران سپۆنسه‌‌‌ری تیرۆره‌‌‌ له‌‌‌ سه‌‌‌رانسه‌‌‌ری جیهان و بووه‌‌‌ته‌‌‌ هه‌‌‌ڕه‌‌‌شه‌‌‌ بۆ سه‌‌‌ر ئارامی و سه‌‌‌قامگیری و لێی بێده‌‌‌نگ نابین.

جێگری سه‌‌‌رۆکی ئه‌‌‌مه‌‌‌ریکا راشیگه‌‌‌یاند که‌‌‌ هه‌‌‌موو هه‌‌‌نگاوێکی سه‌‌‌ربازی له‌‌‌ دژی رژیمی ئێران له‌‌‌ ئارادایه‌‌‌ و شه‌‌‌ڕه‌‌‌که‌‌‌ش به‌‌‌ پێی مه‌‌‌رجه‌‌‌کانی خۆمان ده‌‌‌به‌‌‌ینه‌‌‌ ناو خاکی تیرۆریستان و هه‌‌‌روا ته‌‌‌ماشاکه‌‌‌ر نابین.

مایک پێنس لە درێژەدا وتی: ئێران جۆره‌‌‌ها گروپی توندره‌‌‌وی چه‌‌‌کداریی له‌‌‌ رۆژهه‌‌‌ڵاتانی ناوه‌‌‌راست دروستکردووه‌‌‌ که‌‌‌ ده‌‌‌ست له‌‌‌ ماڵی هیچ نه‌‌‌ته‌‌‌وه‌‌‌ و ئایینێک ناپارێزن و دۆنالد ترامپ سه‌‌‌رۆکی ئه‌‌‌مه‌‌‌ریکاش له‌‌‌به‌‌‌رامبه‌‌‌ر پلانه‌‌‌کانی ته‌‌‌ماشاکه‌‌‌ر نابێت.

هەروەها لیون پانێتا وه‌‌‌زیری دیفاعی پێشووی ئه‌‌‌مه‌‌‌ریکا و سه‌‌‌رۆکی پێشووی سی ئای ئه‌‌‌ی رایگه‌‌‌یاند که‌‌‌ ڕەوتی شیعە بەتایبەتی لەسەردەمی مالیکیەوە هەوڵی دوورخستنەوەی سوننە و کوردیان داوە لە دەسەڵاتدا. باشترین سیاسەت و هەڵوێست ئەمەیە کە بەهێزەوە بگەڕێینەوە گۆڕەپانی ڕووداوەکانی عێراق و ئەگەر خۆمان لەوێ وەدەرنەخەینەوە رژیمی ئێران تەوای عیراق کۆنتڕۆڵ دەکات.

ناوبراو لە درێژەدا وتی: "ئەگەر ڕەوشەکە هەر ئاوا جێبێڵین و لەدوورەوە تەنیا سەیرکەر بمێنین، کورد ئه‌‌‌گەر سوربێ لەسەر جیابوونەوە و عیراقیش زیاتر گوشاربکات دەبێ پێشبینی شەڕێکی ناوخۆ بکەین لەعێراقدا. بێگومان بەڵگەی بوونی قاسم سلێمانی و جموجۆڵە سەربازیەکانی هەمووی ئاشکران و ئەمه‌‌‌ریکا دەبێت هەڵوێستێکی بوێرانەی هەبێ".

وه‌‌‌زیری دیفاعی پێشووی ئه‌‌‌مه‌‌‌ریکا راشیگه‌‌‌یاند که‌‌‌ دەبێ ئەمەریکا بەجیددی کار لەسەر پێشکەوتنی حوکمداری بکا لە عێراق بە زیادکردنی ڕۆڵی کورد و سوننە لە دەسەڵاتدا.