دیندار زێباری: له‌ ناوچه‌ کێشه‌ له‌سه‌ره‌کان 400 هاووڵاتی کوژراون و 168 هه‌زار کەس ئا

کۆمیته‌‌‌ی وه‌‌‌ڵامدانه‌‌‌وه‌‌‌ی راپۆرته‌‌‌ نێوده‌‌‌وڵه‌‌‌تییه‌‌‌کان له‌‌‌ ئه‌‌‌نجوومه‌‌‌نی وه‌‌‌زیرانی هه‌‌‌رێمی کوردستان رایده‌‌‌گه‌‌‌یه‌‌‌نێت، حه‌‌‌شدی شه‌‌‌عبی پێشێلکاریی زۆری کردووه‌‌‌ له‌‌‌و ناوچانه‌‌‌ی له‌‌‌ 16ی ئه‌‌‌م مانگه‌‌‌وه‌‌‌ کۆنتڕۆڵی کردوون، دیندار زێباری بەرپرسی ئەو کۆمیتەیە له‌‌‌ کۆنگره‌‌‌یه‌‌‌کی رۆژنامه‌‌‌وانییدا رایگه‌‌‌یاند “نزیکه‌‌‌ی 400 که‌‌‌سی سڤیل له‌‌‌و ناوچانه‌‌‌ له‌‌‌ رۆژی 16ی ئه‌‌‌م مانگه‌‌‌وه‌‌‌ کوژراون، حه‌‌‌شدی شه‌‌‌عبی زۆر تاوانی ئه‌‌‌نجامداوه‌‌‌”.

دیندار زێباری له‌‌‌وباره‌‌‌یه‌‌‌وه‌‌‌ بۆ ده‌‌‌زگاکانی راگه‌‌‌یاندن رایگه‌‌‌یاند “هاتنی حه‌‌‌شدی شه‌‌‌عبی به‌‌‌ شێوه‌‌‌یه‌‌‌ک بووه‌‌‌ له‌‌‌ هه‌‌‌موو عورف و عاده‌‌‌تی نێوده‌‌‌وڵه‌‌‌تی به‌‌‌ده‌‌‌ره‌‌‌، حکوومه‌‌‌تی هه‌‌‌رێمی کوردستان هه‌‌‌رێمێکی ره‌‌‌سمییه‌‌‌ له‌‌‌چوارچێوه‌‌‌ی عێراقدا، هێزه‌‌‌کانی پێشمه‌‌‌رگه‌‌‌ له‌‌‌چوارچێوه‌‌‌ی سیسته‌‌‌می به‌‌‌رگریی عێراق هێزی ره‌‌‌سمیین، به‌‌‌ڵام به‌‌‌داخه‌‌‌وه‌‌‌ هێزێکی دیکه‌‌‌ حه‌‌‌شدی شه‌‌‌عبی و پۆلیس به‌‌‌ پاڵپشتییه‌‌‌کی زۆر، به‌‌‌داخه‌‌‌وه‌‌‌ زیاتر له‌‌‌ 80 له‌‌‌سه‌‌‌دی ئه‌‌‌و هێزانه‌‌‌ میلیشیان و ئه‌‌‌وانه‌‌‌ له‌‌‌ 60 گرووپ پێکدێن که‌‌‌ تۆمه‌‌‌تی زۆری وڵاتان و ئاژانسه‌‌‌کانی نه‌‌‌ته‌‌‌وه‌‌‌یه‌‌‌کگرتووه‌‌‌کان و رێکخراوه‌‌‌ نێوده‌‌‌وڵه‌‌‌تییه‌‌‌کانیان له‌‌‌سه‌‌‌ره‌‌‌”.

گوتیشی، “حه‌‌‌شدی شه‌‌‌عبی له‌‌‌ چه‌‌‌ندین ناوچه‌‌‌ی عێراق له‌‌‌ پێشتر وه‌‌‌کو فه‌‌‌لـلوجه‌‌‌ و دیاله‌‌‌ و سه‌‌‌ڵاحه‌‌‌ددین و تکریت و مووسڵ تاوانی گه‌‌‌وره‌‌‌ی ئه‌‌‌نجامداوه‌‌‌ له‌‌‌و ناوچه‌‌‌ سوننه‌‌‌ نشینانه‌‌‌ و به‌‌‌ تاوانی جه‌‌‌نگ تاوانباره‌‌‌ و لایه‌‌‌نه‌‌‌ نێوده‌‌‌وڵه‌‌‌تییه‌‌‌کانیش له‌‌‌ حکوومه‌‌‌تی عێراقیش کراوه‌‌‌ که‌‌‌ سنوورێکیان بۆ دابنرێت”.

زێباری له‌‌‌ درێژه‌‌‌ی قسه‌‌‌کانیدا ئاماژه‌‌‌ی به‌‌‌ چه‌‌‌ندین پێشێلکاریی کرد و باسی له‌‌‌وه‌‌‌شکرد سه‌‌‌رجه‌‌‌م پێشێلکارییه‌‌‌کانییان به‌‌‌ ورده‌‌‌کاری و به‌‌‌ڵگه‌‌‌وه‌‌‌ داوه‌‌‌ته‌‌‌ لایه‌‌‌نه‌‌‌ په‌‌‌یوه‌‌‌ندیداره‌‌‌کان و رێکخراوه‌‌‌ نێوده‌‌‌وڵه‌‌‌تییه‌‌‌کان و ته‌‌‌نانه‌‌‌ت نه‌‌‌ته‌‌‌وه‌‌‌یه‌‌‌کگرتووه‌‌‌کانیش. له‌‌‌وباره‌‌‌یه‌‌‌وه‌‌‌ ناوبراو گوتیشی، “ئه‌‌‌و تاوانانه‌‌‌ی دووباره‌‌‌یان کردووه‌‌‌ته‌‌‌وه‌‌‌ زۆرن، به‌‌‌ڵام لیستێک له‌‌‌و تاوانه‌‌‌ به‌‌‌ورده‌‌‌کاری و به‌‌‌ناو دراون به‌‌‌ لایه‌‌‌نه‌‌‌ نێوده‌‌‌وڵه‌‌‌تییه‌‌‌کان، تاوانه‌‌‌کانی حه‌‌‌شدی شه‌‌‌عبی له‌‌‌ که‌‌‌رکووک و خورماتوو زۆرن، به‌‌‌ نموونه‌‌‌ ده‌‌‌ستدرێژی سه‌‌‌ر شه‌‌‌ره‌‌‌فی خه‌‌‌ڵک کراوه‌‌‌، بۆردومانی خه‌‌‌ڵکی سڤیل کراوه‌‌‌ که‌‌‌ زیاتر له‌‌‌ 400 که‌‌‌سی سڤیل له‌‌‌ ئه‌‌‌نجامی هێرشی ئه‌‌‌و هێزانه‌‌‌ کوژراون، خه‌‌‌ڵکیان سزاداوه‌‌‌، ماڵ و سامانی خه‌‌‌ڵک سووتێنراوه‌‌‌، ماڵ و خانوو و دوکانێکی زۆر سووتێنراون، باره‌‌‌گای چه‌‌‌ندین حزب سووتێنراون، رووخێنراون، هه‌‌‌وڵی جیددی ئه‌‌‌ده‌‌‌ن بۆ ئه‌‌‌وه‌‌‌ی سوننه‌‌‌کان هانبده‌‌‌ن شه‌‌‌ڕێکی تایفی له‌‌‌ نێوان کورد و سوننه‌‌‌ سه‌‌‌رهه‌‌‌ڵبدات که‌‌‌ ته‌‌‌نها له‌‌‌ شاری که‌‌‌رکووک و ده‌‌‌ورووبه‌‌‌ری 600 هه‌‌‌زار ئاواره‌‌‌ی شوێنه‌‌‌کانی سوننه‌‌‌نشین ئاواره‌‌‌بووبوون و له‌‌‌وێ داڵده‌‌‌درابوون و به‌‌‌شێکی زۆریان له‌‌‌به‌‌‌ر حه‌‌‌شدی شه‌‌‌عبی نه‌‌‌گه‌‌‌ڕاونه‌‌‌ته‌‌‌وه‌‌‌ شوێنێ خۆیان که‌‌‌ پێشتر له‌‌‌ ده‌‌‌ستی داعش لێیانه‌‌‌وه‌‌‌ هه‌‌‌ڵاتبوون، هه‌‌‌روه‌‌‌ها سووکایه‌‌‌تی به‌‌‌جلوبه‌‌‌رگی کوردیش کراوه‌‌‌، ده‌‌‌ستگیرکردنی ده‌‌‌یان که‌‌‌س به‌‌‌ هۆی به‌‌‌رزکردنه‌‌‌وه‌‌‌ی ئاڵای کوردستانه‌‌‌وه‌‌‌، رفاندنی خه‌‌‌ڵکێکی زۆر و داواکردنی پاره‌‌‌ لێیان، گۆڕینی دیمۆگرافییان ده‌‌‌ستپێکردووه‌‌‌ و هه‌‌‌وڵ ده‌‌‌ده‌‌‌ن”.