وەزیری دەرەوەی فەرانسە: هەڵسوکەوتەکانی ئێران دژی بەرژەوەندیەکانی ئەمریکا و فەرانسەیە

وەزیری دەرەوەی فەرەنسا رایگەیاند، هەنگاوی تێکدەرانەی ئێران لە بەرژەوەندی فەرەنسا و ناوچەکەدا نییە.

رۆژی سێشەممە 9ی خەزەڵوەری 1396، ژان ئیڤ لودریان، وەزیری دەرەوەی فەرەنسا لە کۆبوونەوەیەک لە ئەنجوومەنی پەیوەندییەکانی دەرەوەی ئەمریکا رایگەیاند "چالاکییە تێکدەرانەکانی ئێران لە ناوچەکەدا جێی قبوڵ نییە و دەستێوەردانەکانی ئێران و سەپاندنی هەژموونی ئەو وڵاتە جێی پەسند نییە".  

وەزیری دەرەوەی فەرەنسا گوتی "هەڵسوکەوتی ئێران دژی بەرژەوەندییەکانی ئەمریکا و فەرەنسایە و ئەم هەڵسوکەوتە هەڕەشەیە بۆ ناوچەکە".

لە بەشێکی دیکە قسەکانی سەبارەت بە رێککەوتنی چەکی ئەتۆمی رایگەیاندووە "ئێران نابێ دەستی بە چەکی ئەتۆمی بگات و رێککەوتنی ئەتۆمی ئەم ئامانجە تا 10 ساڵی داهاتوو گەرەنتی دەکات".