لە درێژەی گرتن و راوەدوونانی هاووڵاتیانی کورد لەلایەن هێزە سەرکوتگەرەکانی رژیمی ئێرانەوە 3 کەس لە شارەکانی سنە و ئیلام دەستبەسەر کراون.
لە درێژەی گرتن و راوەدوونانی هاووڵاتیانی کورد لەلایەن هێزە سەرکوتگەرەکانی رژیمی ئێرانەوە 3 کەس لە شارەکانی سنە و ئیلام دەستبەسەر کراون.
بەپێی هەواڵ ڕۆژی هەینی١٢ی خەزەڵوەری 1396، هێزە سەرکوتگەرەکانی رژیمی ئێران لەشاری ئیلام هاووڵاتییەکی کوردیان بە ناوی جەسیم ئومیدی دەستبەسەر و بۆ شوێنێکی نادیار گواستووەتەوە.
دەگوترێ ئەو هاووڵاتییە کوردە بە تۆمەتی هاوکاری حیزبە کوردییەکانی دژبەری ئێران دەستبەسەر کراوە.
هەروەها هەواڵەکان باس لەوە دەکەن کە لە شاری سنە، رۆژی سێ شەممە 9ی خەزەڵوەر هێزەکانی رژیم لەو شارە دوو چالاکی مەدەنیان بە ناوەکانی سوهراب بەهرامی و مادێح فەتحی دەستبەسەر کردووە.
هەتا ئێستا هیچ هەواڵێک لە چارەنووسی ئەو دوو دەستبەسەرکراوە لە ئارادە نیە.