سازمانی خه‌بات ی
کوردستانی
ئێران
شارون بارو سکرتێری گشتی کونفدراسیۆنی نێونەتوەیی یەکیەتیە کرێکاریەکان نارەزایەتی خۆی لەبارەی بەردەوامی رەفتاری سەرکوتگەرانە لەهەمبەر سازمانە سەربخۆ کرێکاریەکان
رۆژی سێ شەممە 16ی خەزەڵوەر، شارون بارو سکرتێری گشتی کونفدراسیۆنی نێونەتوەیی یەکیەتیە کرێکاریەکان نارەزایەتی خۆی لەبارەی بەردەوامی رەفتاری سەرکوتگەرانە لەهەمبەر سازمانە سەربخۆ کرێکاریەکان و چالاکانی کرێکاری لە ئێرانی ژێردەسەڵاتی رژیمی ئاخوندی دەربری.
ناوبراو لە نامەیەکدا بە ئیشارە گرتنی مەحمود ساڵحی چالاکی کرێکاری شاری سەقز لەلایەن هێزە لیباس شەخسیەکان، نیگەرانی خۆی لە دۆخی جەستەیی ناوبارو دەربری.
مەحمود ساڵحی چالاکی کرێکاری لە سەقز کە لە دادگای پێداچوونەوەی رژیم بە ساڵێک زیندان مەحکوم بووە، بەدەست نەخۆشی جۆراوجۆرەوە ئازار دەکێشێ. ناوبراو رایگەیاندووە ساڵی 1394 لە زیندانی ئیدارەی ئیتلاعاتی سنەدا کولیەکانی لەدەست داوە، و بەدەست نەخۆشی دڵ و مەرەزی قەند (شەکرە)ەوە ئازار دەکێشێ.
