سازمانی خه‌بات ی
کوردستانی
ئێران
رژیمی ئاخوندی لە هەنگاوێکی نامرۆڤەدا بۆ رێگەگرتن لە چوونی خەڵک بەمەبەستی هاوکاری و کۆمەکی هاونیشتمانیانی بوومەلەرزە لێدراو و گەیاندنی کۆمەکی شارەکان، چوونی ماشی
رژیمی ئاخوندی لە هەنگاوێکی نامرۆڤەدا بۆ رێگەگرتن لە چوونی خەڵک بەمەبەستی هاوکاری و کۆمەکی هاونیشتمانیانی بوومەلەرزە لێدراو و گەیاندنی کۆمەکی شارەکان، چوونی ماشینەکان بەبێ ئیجازە بۆ کرماشان قەدەغە کردووە.
رۆژی چوار شەممە 24ی خەزەڵوەری 1396، سەرکردەی ناوەندی کونترۆڵی ترافیکی رژیم رایگەیاند هاتووچۆی ماشینی گواستنەوەی مەدەنی بێ ئیجازە لە رێگەکانی پارێزگای قەدەغەیە.
لە رێگەکانی ئیسلام ئاوا بۆ داڵاهۆ، سەرپێلی زەهاو و قەسری شیرین هاتووچۆی گواستنەوەی بێ ئیجازە قەدەغە و پۆلیس رێگەی چووەنە ژوورەوەیان پێ نادا.
لەو رێگانەدا تەنیا رێگە بە هاتووچۆی ماشین گەلی فریاکەوتن و گەیاندنی کۆمەک دەدرێ و ئەو قەدەغە کردنە هەتا ئاگادارکردنەوەی بەردەوام دەبێ.
رژیمی ئاخوندی لە کاتێکدا ئەو هەنگاوە هەڵدەگرێ کە دامودەزگا پێوەندیدارەکانی خۆی کەمتەرخەمیەکی زۆریان نواندووە و وەک پێویست بەدەم کارەساتەکەوە نەچوون، بۆیە خەڵکی شارەکانی دیکەی کوردستان بەدەم خەڵکی زیان دیتووەوە چوون و لە هەموو شارەکان خەڵک هاوکاری کۆمەکیان کۆکردەوە و بە ماشینی مەدەنی رەوانەی شار و ناوچە بوومەلەرزە لێدراوەکانیان کردوون.
