دایکی کاک عەبدوڵا قادری ئەندامی پێشووی سەرکردایەتی سازمان لەناوچەی بانە کۆچی دوایی کر

 رۆژی شەممە 27ی خەزەڵوەری 1396، لە گوندی بڵەسەنی ناوچەی بانە دایکە گوڵچینی محەمەدی کە یەکێک لەو ئافرەتە زەحمەتکێش و دڵسۆزانەی گەل و رێبازی سازمانی خەبات و دایکی هاوڕێی تێکۆشەر کاک عەبدووڵا قادری ئەندامی سەرکردایەتی پێشووی سازمان لە تەمەنی 90 ساڵی دا کۆچی دوایی کرد.
دایکە گوڵچین لە ماوەی 40 ساڵی رابردوودا بە بەردەوامی هاوکار و پشتیوان و خەمخۆری پێشمەرگەی سازمانی خەبات ی کوردستانی ئێران لە رۆژە سەختەکاندا بووە.
بەوبۆنەوە سەرەخۆشی لە هاوڕێی بەرێزمان کاک عەبدووڵا قادری و تێکرای خانەوادە و کەس و کاری دایکە گوڵچین دەکەین و داواکارین خوای گەورە سەبووری هەموو لایەک بدات.
بۆ ئاگاداری هەموو لایەکی رادەگەیەنین کە لە شاری گران لە وەڵاتی نۆروێژ کۆری پرسەو سەرەخۆشی لەلایەن کاک عەبدووڵای قادری و کۆمیتەی نۆروێژی سازمانی خەبات بەرێوەدەچێ.
رێکەوت: رۆژی یەکشەممە  19ی نوامبری 2017
شوێن: HOVSVEGEN 1, 2750 GRAN
کات: 13 بۆ 17