سازمانی خه‌بات ی
کوردستانی
ئێران
نزیک بە دوو حەوتووە کە بومەلەرزە لە پارێزگای کرماشان و قەسری شیرین و سەرپێلی زەهاو رویداوە، بەهۆی ئەم کارەساتەوە ژمارەیەکی زۆر هاوڵاتی بونەتە قوربانی کە زیاتر
نزیک بە دوو حەوتووە کە بومەلەرزە لە پارێزگای کرماشان و قەسری شیرین و سەرپێلی زەهاو رویداوە، بەهۆی ئەم کارەساتەوە ژمارەیەکی زۆر هاوڵاتی بونەتە قوربانی کە زیاتر لە 432 کەس تا ئێستا تۆمار کراوە و رێژەی کۆچ کردووان رۆژانە زیاد دەکات، و هەروەها ئاماری برینداربووانیش گەیشتۆتە زیاتر لە 8000کەس.
هەروەها بە هۆی ئەم کارەساتەوە ژمارەیەکی زۆری خەڵک ماڵ و حالیان وێران بووە، کە تا ئێستاش لە ژیانێکی سەخت و زۆر خراپ و نالەباردا بەسەر دەبەن، ئەو هاوڵاتیانە تا ئێستا لەلایەن دامودەزگاکانی حکومەتەوە هیچ ئاورێکیان لێ نەدراوەتەوەو لە لایەنی تەندروستی و ئەو فەزایەی تێیدا دەژین هیچ مەرجێکی تەندروستی تێدا نیە، بە هۆی بوونی فازڵاو، کەڵەکە بوونی ئەشغاڵ و زبڵ و پیسایی و بوونی ماشماوەی مەروماڵاتی مردارەوەبوو ......
یەکێکی دیکە لەو گرفتانەی کە بەرۆکی ئەم لێقەوماوانەی گرتووە، نەبوونی شوێن و جێگەی پێویست و لەبارە بۆ حەوانەوەو ژیان، هەرچەندە شمارەیەکی کەمیان خێوەتیان دەست کەوتووە، بەڵام ئەم خێوەتانەش هیچ مەرجێکی ژیان کردنیان تێدا نیەو بەرگەی کەش و هەواو باو باران ناگرن. ئێستاش کە وەرزی سەرماو بارانە و ئەمەش بۆتە بەڵایەکی دیکە بۆو خەڵکە لێقەوماوە، کە بە بارینی برێکی کەم باران ئەمانە لێیان دەقەومێت و ناو خێوەتەکانیان پردەبێت لە ئاو باران. ئەمە لە کاتێکدایە کە هاوکات دێهاتە دور دەستەکان و ناوچە سنووریەکان هیچ ئاورێکیان لێ نەدراوەتەوە، و لە ناوچەکانی ئیسلام ئابادی غرب و کەرەند چادرو پێداویستی بارانی لەناو خەڵکدا دابەش نەکراوەو خەڵکی لەناو ماشینی کۆمپاین و تراکتۆرو ترێلیدا دەخەون.
لەگەڵ هەموو ئەمانەشدا رژیمی ئێران رێگری لە هەرجۆرە هاوکاری و کۆمەکێک دەگرێ کە لەلایەن خەڵک و ناوەندە خێرخوازیەکانی وڵاتانەوە دەنێردرێن بۆ ئەو لێقەماوانە، و ئەوانەشی کە دەگەنە ئەو ناوچانە دەستیان بەسەر دا دەگرێت و دەیانخاتە عەمبارەکانی خۆیەوە و بەسەر ئەو خەڵکانەیدا دابەش ناکات.
