به‌‌ڕێوه‌به‌ری سی ئای ئه‌ی هۆشداریی ده‌داته‌ پاسدار قاسم سلێمانی

 مایک پۆمپیۆ، به‌‌‌ڕێوه‌‌‌به‌‌‌ری ئاژانسی هه‌‌‌واڵگری ناوه‌‌‌ندی ئه‌‌‌مه‌‌‌ریکا "سی ئای ئه‌‌‌ی" لە نامەیەکدا هۆشداری توندی بۆ قاسم سلێمانی و به‌‌‌رپرسانی رژیمی ئێران ناردووه‌‌‌.
به‌‌‌ گوێره‌‌‌ی سه‌‌‌رچاوه‌‌‌کانی هه‌‌‌واڵ، به‌‌‌ڕێوه‌‌‌به‌‌‌ری سی ئای ئه‌‌‌ی له‌‌‌ نامەکەدا، نیگه‌‌‌رانی خۆی له‌‌‌ کرده‌‌‌وه‌‌‌کانی رژیمی ئێران له‌‌‌ عێراق نیشانداوه‌‌‌ و رایگه‌‌‌یاندووه‌‌‌، کاره‌‌‌کانی رژیمی ئێران بوونه‌‌‌ته‌‌‌ هه‌‌‌ڕه‌‌‌شه‌‌‌ بۆ سەر عێراق.
پۆمپیۆ له‌‌‌ کۆڕبه‌‌‌ندی ساڵانه‌‌‌ی ریگان بۆ به‌‌‌رگری نیشتمانی، له‌‌‌ باشووری کالیفۆرنیاوه‌‌‌ رایگه‌‌‌یاند، دوای ئه‌‌‌وه‌‌‌ی به‌‌‌رپرسێکی رژیمی ئێران ئاماژه‌‌‌ی به‌‌‌ هێرشکردنه‌‌‌ سه‌‌‌ر هێزه‌‌‌کانی ئه‌‌‌مه‌‌‌ریکا کرد له‌‌‌ عێراق، په‌‌‌یامێکی ئاراسته‌‌‌ی به‌‌‌رپرسانی ئەو رژیمە و قاسم سلێمانی کردووه‌‌‌.
به‌‌‌ڕێوه‌‌‌به‌‌‌ری سی ئای ئه‌‌‌ی هەروەها گوتی: "له‌‌‌ نامه‌‌‌که‌‌‌دا باسی ئه‌‌‌وه‌‌‌مان کردووه‌‌‌، هه‌‌‌ر هێرشێک له‌‌‌لایه‌‌‌ن ئه‌‌‌و هێزانه‌‌‌ی سه‌‌‌ر به‌‌‌ تارانن له‌‌‌ناو خاکی عێراق ده‌‌‌کرێته‌‌‌ سه‌‌‌ر به‌‌‌رژه‌‌‌وه‌‌‌ندییه‌‌‌کانی ئه‌‌‌مریکا، به‌‌‌رپرسیارێتییه‌‌‌که‌‌‌ی ده‌‌‌خه‌‌‌ینه‌‌‌ ئه‌‌‌ستۆی ئێران".
هه‌‌‌روه‌‌‌ها گوتی: "ده‌‌‌مانه‌‌‌وێ دووپاتی بکه‌‌‌ینه‌‌‌وه‌‌‌ که‌‌‌ پێویسته‌‌‌ به‌‌‌رپرسانی ئێران زۆر به‌‌‌ روونی له‌‌‌و په‌‌‌یامه‌‌‌ تێبگه‌‌‌ن".