راوێژکاری ئاسایشی نەتەوەیی ئا‌مریکا: رژیمی ئێران سەرچاوەی پشێوییه‌ لەناوچەکەدا

 راوێژکاری ئاسایشی نەتەوەیی ئا‌مریکا رایده‌‌‌گه‌‌‌یه‌‌‌نێت: دەبێ پێوەندیەکانی سوپای پاسداران بخرێتە ژێر چاودێریەوە هاوکات ئیداره‌‌‌ی ئه‌‌‌مریکا گرنگی به‌‌‌ کێشه‌‌‌ی کوردستان و عێراق ده‌‌‌دات و ده‌‌‌شڵێت: شاره‌‌‌کانی کوردستان پێشکه‌‌‌وتوون، به‌‌‌ڵام کێشه‌‌‌ی داراییان هه‌‌‌یه‌‌‌.

هێربێرت ماکماسته‌‌‌ر راوێژکاری ئاسایشی نیشتمانی ئه‌‌‌مریکا جه‌‌‌ختیش ده‌‌‌کاته‌‌‌وه‌‌‌: پێویسته‌‌‌ سه‌‌‌رکردایه‌‌‌تی کوردستان و عێراق به‌‌‌ یه‌‌‌که‌‌‌وه‌‌‌ کاربکه‌‌‌ن. له‌‌‌سه‌‌‌ر رۆڵی رژیمی ئێرانیش، ئه‌‌‌و به‌‌‌رپرسه‌‌‌ی ئامریکا ده‌‌‌ڵێت: سوپای پاسداران جیاوازییه‌‌‌کانی نێو لایەنەکانی کوردستانی قۆستووه‌‌‌ته‌‌‌وه‌‌‌.

 هاوکات راوێژکاری ئاساییشی نەتەوەیی ئامریکا به‌‌‌ئاشکرا گوتی: رژیمی ئێران هەوڵ دەدات جۆرە دەوڵەتێکی وەهمی دروست بکات بۆ ئەوەی شەڕێکی تائیفی مه‌‌‌زهه‌‌‌بی دروست بکات و پشێوی لە ناوچەکەدا بنێتەوە. ئەو بارودۆخەش، کە رژیمی ئێران دروستی کردووە و خۆی بە پارێزگاری شیعەکان لەقەڵه‌‌‌م دەدات, وا دەکات رێکخراوی تیرۆرستی بارودۆخی تائیفی بقۆزنەوە و بە ویستی خۆیان هاتووچۆ بکەن و تیرۆر و توندوتیژی بڵاو بکەنەوە.