سازمانی خه‌بات ی
کوردستانی
ئێران
مەجلیسی نوێنەرانی ئەمریکا ، گەڵاڵەی ژمارە 4324ی پەسەند کرد بۆ چاودێری زیاتری کۆنگرە لەسەر موعامەلاتی فرۆکە لەگەڵ رژیمی ئێران کە لەدوای بەرجام رێگەی پێدراوە.
ئەو گەڵاڵەیە کە لە ژێر ناوی " یاسای زیادکردنی چاودێری لەسەر دەستڕاگەیشتنی رژیمی ئێران لە دابین کردنی دارایی" پێشکەش کراوە داوا لە وەزیری خەزێنەداری دەکات لەبارەی هەناردەکردنی فرۆکە بۆ رژیمی ئێران راپۆرتی تایبەت بە کۆنگرە بداتەوە و هەروەها پشت راستی بکاتەوە کە ئەو جۆرە موعامەلاتە بە لە خزمەت بەرنامەکانی رژیم بۆ گواستنەوەی چەک و چۆڵ لە رێگەی فرۆکە تیجارییەکانەوە نابێ.
گەڵالەی 4324 کە بەدەنگی 252 دەنگی ئەرێ پەسەند کرا، وەک گەلاڵەی پەسەند کراوی پێوەندیدار بە گەندەڵی دارایی دەسەڵاتدارانی رژیمی ئاخوندی بۆ بوون بە یاسا پێشکەش بە سەنا دەکرێ.
جێگەی باسە ئەو گەلاڵەیە بە پێی وتەی سێناتۆرەکانی ئەمریکا بە مەبەستی پێشگرتن لە ترۆریسمی نێودەوڵەتی رژیمی ئێران پێوشوێن دەگێردرێ و لەم رێگەیەوە بەربەستی زیاتر لەبەرانبەر رژیم دروست دەکرێ.
