سازمانی خه‌بات ی
کوردستانی
ئێران
رۆژی دووشەممە 27ی سەرماوەزی 1396، دۆناڵد ترامپ سەرۆک کۆماری ئەمریکا ستراتیژی ئاسایشی نەتەوەیی ئەمریکای راگەیاند، ناوبراو کە لە بنکەی رۆناڵد رەیگان قسەی دەکرد هەرەشەو کۆسپەکانی بەردەم ئەمریکای خستەروو.
ناوبراو لە پێوەند بە رژیمی ئێران وتی:
من گەمارۆم خستەسەر سپای پاسداران بەهۆی پشتیوانیەکانی بۆ تیرۆریزم. رووبەڕووی ئەو مەترسییانە دەبینەوە دیکتاتۆرییەت لە ئێران دروستیکردوون.
هەر لەو پێوەندەدا دۆناڵد ترامپ وتی کە دیکتاتۆرییەتی کۆریای باکوور و رژیمی ئێران بوونەتە هۆی ناسەقامگیری ناوچەکە. هەروەها کۆریای باکوور و رژیمی ئێران بوونەتە هەڕەشە بۆسەر ئەمریکا و هاوپەیمانەکانی، هەروەها بوونەتە مایەی ئازار بۆ خەڵکەکەیان.
سەرۆک کۆماری ئەمریکا لە درێژەی قسەکانی دا ئیشارەی پشتیوانیەکانی رژیمی ئێران بۆ گروپە تیرۆریستەکان و تی: رژیمی ئێران پشتیوانی لە گرووپە تیرۆرستییەکان دەکات و بەئاشکرا داوای وێرانکردنی ئێمە دەکات. ئەمریکا لەگەڵ هاوپەیمانەکانی رووبەڕووی گرووپە تیرۆریستە بیانییەکان دەبێتەوە کە بوونەتە هەڕەشە بۆسەر وڵاتەکەمان لەنێویاندا ئەو گرووپانەی لەلایەن ئێران پشتیوانیان دەکرێت، وەک حیزبوڵڵا. رژیمی ئێران لە سەرانسەری جیهان پشتیوانی لە تیرۆر دەکات، سوودی لە ناسەقامگیری وڵاتان بینیووە بۆ فراوانکردنی هەژموونی لە رێگەی گرووپە بە وەکالەتەکانی. هەڕەشەکانی رێکخراوە تیرۆرستە جیهادییەکان و ئێران ئەو راستییەیان دەرخستووە کە ئیسرائیل هۆکاری کێشەکانی ناوچەکە نییە.
لەبارەی شێوەی بەرەورووبوونەوەی بەرنامەی ناوکەیی رژیمی ئێران و سیاسەتی دەستێوەردان لە وەلاتان لەلایەن ئەو رژیمەوە، سەرۆککۆماری ئەمریکا رایگەیاند: لەگەڵ هاوبەشەکانمان کاردەکەین بۆ ئەوەی رێگری لە رژیمی ئێران بکەین، تاوەکو دەستی بە چەکی ئەتۆمی نەگات. لەگەڵ هاوبەشەکانمان کاردەکەین بۆ نەهێشتنی کاریگەی و چالاکییە خراپەکانی ئێران لە ناوچەکەدا.
