سازمانی خه‌بات ی
کوردستانی
ئێران
ریکس تیلەرسۆن وەزیری دەرەوەی ئامریکا گووتی: رێکەوتنی پڕ لە کەم و کوری لەگەڵ رژیمی ئێران، ئیتر خاڵی سەرەکی سیاسەتی ئێمە نیە لە بەرانبەر ئەو رژیمەدا. ئێمە ئێستا
ریکس تیلەرسۆن وەزیری دەرەوەی ئامریکا گووتی: رێکەوتنی پڕ لە کەم و کوری لەگەڵ رژیمی ئێران، ئیتر خاڵی سەرەکی سیاسەتی ئێمە نیە لە بەرانبەر ئەو رژیمەدا. ئێمە ئێستا لەگەڵ هەموو هەرەشەکانی رژیمی ئێران بەرەوڕوو دەبینەوە.
ناوبراو لە نوسراوێکیدا کە لە رۆژنامەی نیۆیۆرک تایمز بڵاو کراوەتەوە رۆژی چوارشەممە 6ی رەشەممە، دەنوسێت: دەوڵەتی ترامپ بە هاوکاری هاوپەیمانەکانی و کۆنگرە، درێژە دەدات بە بەدوادا چوون بەو کێشەو کەم و کوریانەی کە لە رێکەوتن لەگەڵ رژیمی ئێراندا هەیە بۆ ئەوەی جێگرەوەیەک دەست بکەوێ.
ناوبراو لە درێژەدا وتی: لەگەڵ ئەم هەنگاوانەدا، واشینگتن بەرەو دروست بوونی یەک دەنگیەک بۆ سزادانی رژیمی ئێران بەهۆی پێشێل کردنی بەڵێنەکانی لە بەرانبەر بەرنامەی موشەکی بالستیک، وە چالاکی تێکدەرانەی لە ناوچەکەدا دەجوڵێتەوە.
جێی باسە ناوبراو لەو نوسینەیدا ئاماژەی بە بابەتی کورەی باکور و پەرەپێدانی بەرنامەی ئەتۆمی و موشەکی پیۆنگ یانگ، شێوازی روبەروو بونەوەی واشینگتن لەگەڵی داوە.
