سازمانی خه‌بات ی
کوردستانی
ئێران
جەماوەری نارازی و بێزار لە ستەم و چەوسانەوەی ئێران، رۆژی 12ی بەفرانباریش درێژەیان بە نارەزایەتیەکان لە شارە جۆراوجۆرەکانی ئێران داو بە توندترین دروشم خوازیاری
جەماوەری نارازی و بێزار لە ستەم و چەوسانەوەی ئێران، رۆژی 12ی بەفرانباریش درێژەیان بە نارەزایەتیەکان لە شارە جۆراوجۆرەکانی ئێران داو بە توندترین دروشم خوازیاری رووخان و لەناوچوونی رژیمی دیکتاتۆر و گەندەڵی ئاخوندان بوون.
وێرای بەربەست و هەرەشەی ناوەندە سەرکوتگەرەکانی رژیم و میلیتاریزە کردنی شارەکان و داخستنی هێڵی ئینتەرنێت، لە شارە گەورەکانی وەک، تاران، تەورێز، ئیسفەهان، ورمێ، کرماشان، ئیلام، مەشهەد، کازرون، هەمەدان، ئەهواز، رەشت، کەرەج، ئابادان، کاشان و چەندین شاری دیکە بە بەربڵاوی بەرێوەچوو.
جەماوەری راپەریوی ئێران دروشمەکانی مەرگ بۆ دیکتاتۆر، مەرگ بۆ خامنەیی، مەرگ بۆ رۆحانی، تۆپ تانک فشفشە ئاخوند باید کشتە شه، توپ تانک فشفشە ا‌خوند باید گم بشە و دەیان دروشمی دیکەیان دەوتەوە.
شایانی گوتنە لە چەند رۆژی رابردوودا هێزەکانی رژیم لە ترسی راپەرین شارەکانی کوردستانیان بەتەواوی بە سەربازی کردووە و راپۆرتەکان باس لەوە دەکەن کە خەڵک لە دەرفەت دەگەرێن بۆ راپەرین و دۆخی شارەکان ئاڵۆز راگەیەندراوە.
