نارەزایەتی جەماوەری دژ بە دەسەڵاتی ئاخوندی لە شاری بانە

 سەعات 10ی شەوی سێ شەممە 19ی بەفرانباری 1396 جەماوەری قارەمانی شاری بانە دژ بە دەسەڵاتی داگیرکەری ئاخوندی بە دروشمی جۆراوجۆر رق و بێزاری خۆیان لەو دەسەڵاتە دەربری.

بەپێی هەواڵی گەیشتووە لە شەقامەکانی بیمارستان و فەرمانداری شاری بانە جەماوەری کۆبوونەوەو نارەزایەتی خۆیان لە دەسەڵاتی گەندەڵ و دیکتاتۆر و داگیرکەری ئاخوندی دەربریوە.

رژیم لە ترسی پەرەسەندنی نارەزایەتیەکەی ئەوشەو هەر زوو هێزێکی زۆر و پۆشتەی ناردە ناو شار و شاری بە تەواوی میلیتاریزە کردووە.

شایانی گوتنە وێرای شارەکانی دیکەی ئێران لە 10 رۆژی رابردوودا شارەکانی کوردستانیش شاهیدی بەرێوەچوونی کۆبوونەوەی نارەزایەتی دژ بە رژیمی ئاخوندی بووە.