سازمانی خه‌بات ی
کوردستانی
ئێران
رۆژی پێنج شەممە رێکەوتی 28ی بەفرانباری 1396شاندێکی حیزبی دیموکراتی کوردستان سەردانی بنکەی ناوەندی سازمانی خەبات ی کوردستانی ئێرانیان کرد.
رۆژی پێنج شەممە رێکەوتی 28ی بەفرانباری 1396شاندێکی حیزبی دیموکراتی کوردستان سەردانی بنکەی ناوەندی سازمانی خەبات ی کوردستانی ئێرانیان کرد.
شاندێکی بالای حیزبی دیموکراتی کوردستان بە سەرپەرشتی بەرێز مستەفا مەولوودی سکرتێری گشتی و بەرێز عومەر باڵەکی ئەندامی دەفتەری سیاسی و بەرێزان خاتوو نەسرین حەداد و برایم زێوەیی ئەندامانی کۆمیتەی ناوەندی و هاشم عەزیزی جێگری کومیتەی ناوەندی حدک لەلایەن شاندێکی سازمانی خەبات پێکهاتوو لە بەرێزان سەید کامیل نورانی فەرد و رێبوار حسێنی ئەندامانی دەفتەری سیاسی و زێنەب حسێنی و بەختیاری عەزیزی و ئەوین فەرەجی و شۆرش حاجی ئەندامانی کۆمیتەی ناوەندی سازمانی خەبات ی کوردستانی ئێران پێشوازییان لێکرا.
لەو دیدارە دۆستانەیە دا چەندین تەوەری جێی بایەخی دوو لایەن خرانە بەرباس و لەپێوەند بە تەوەرەکان ئاڵوگۆری بیرورا کرا. بارودۆخی وەلاتی ئێران لەدوای راپەرینی خەڵکی وەزاڵەهاتوو و ئەرک و کارەکانی بەردەم جوڵانەوەی رزگاریخوازانەی کوردستان و هەرێمی کوردستان و مژاری هاوپەیوەندی و یەک گووتاری نێوان هێز و لایەنە سیاسیەکانی کوردستانی ئێران بەتێر و تەسەلی قسە و ئاڵوگۆری بیرورای لەسەر کرا و لەسەر سەرهەڵدانی قۆناغێک٠ی نوێ لە مێژووی جولانەوەی رزگاریخوازانەی نەتەوەیی و مێژووی و بەربەرکانێی دەسەلاتی ئاخوندی و ئەرکەکانی هێزو لایەنە سیاسیەکان لەم قۆناغە نوێ و هەستیارە دا هاونەزەری لەنێوان دوو لایەن هەبوو و پێداگری لەسەر خێراکردنی هەنگاوەکان بۆ پێک هێنانی دیسکۆرسێکی هاوبەشی نەتەوەیی لە کوردستانی ئێران کرایەوە.
لەکۆتایی دیدارەکە دا هەر دوو لایەنی سازمانی خەبات ی کوردستانی ئێران و حیزبی دیمۆکراتی کوردستان لەسەر پتەوکردنی پێوەندیی و فراوان کردنی هاوکارییەکانیان پییان داگرتەوە.٠
