سازمانی خه‌بات ی
کوردستانی
ئێران
ئاژانسی هەواڵی هاوار نیوزی نزیک لە هێزەکانی سوریای دیموکرات بڵاویکردەوە، شەڕڤانان هێرشێکی سوپای تورکیایان لەسنوری عەفرین تێکشکاندووە.
بەپێی ئاژانسەکە، هێرشەکەی تورکیا بۆ سەر گوندی عبیدانی سنوری ناحیەی بلبلە بووە، بەڵام لەلایەن شەڕڤانانی هێزەکانی سوریای دیموکراتەوە تێکشکێنراوە.
هەروەها ئاماژە بەوە کراوە، لەئێستادا شەڕ و پێکدادان لەدەوروبەری گوندی حمام بەڕێوەدەچێت و شەڕڤانان بەرەنگاری سوپای تورکیا بوونەتەوە.
هەر بەپێی ئاژانسەکە، تائێستا فڕۆکە جەنگییەکان بەئاسمانی کانتۆنی عەفریندا دەسوڕێنەوە.
هێرشی سوپای تورکیا و گروپە چەکدارە هاوپەیمانەکانی ئەمڕۆ پێی نایە پێنجەم رۆژییەوە و هەسەدە و سوپای تورکیا ئاماری جیاواز لەبارەی زیانەکانەوە بڵاودەکەنەوە.
