سازمانی خه‌بات ی
کوردستانی
ئێران
ئاخوند ئەحمەد جەننەتی سەرۆکی مەجلیسی شارەزایانی درۆینە لە پێوەند بە نیگەرانیەکانی گووتی: بابەتی براندازی دەبێ بەجددی وەرگیرێ، ناوبراو کە رۆژی دووشەممە 16ی رێ
ئاخوند ئەحمەد جەننەتی سەرۆکی مەجلیسی شارەزایانی درۆینە لە پێوەند بە نیگەرانیەکانی گووتی: بابەتی براندازی دەبێ بەجددی وەرگیرێ، ناوبراو کە رۆژی دووشەممە 16ی رێبەندان لە کۆبونەوەی دەستو پێوەندەکانی رژیم قسەی دەکرد گووتی: پێویستە هەرەشە ناوخۆیی و دەرەکیەکان بناسین و ئەوە بابەتێکی گرنگە، هەڵبەتە من نیگەرانی ساڵی داهاتووم کە چی روودەدات و دەبێت ئەگەرەکان لەبەرچاوبگرین و پێداچونەوەیان بۆ بکەین. دوشمن ناتوانێ قەبوڵی نیزامێک بکات کە 40 ساڵە لەبەرانبەریدا وێستاوەتەوەو لەو رووەوەوە هەر کارێک بتوانێ دەیکات بۆ ئەوەی ئەو نیزامە شکست پێ بێنێ.
تەنانەت دۆستەکانیشمان باوەریان نەدەکرد کە ئینقلاب 40 ساڵ درێژەی هەبێ.
ناوبراو بە نیگەرانیەوە ئاماژەی بە راپەرینەکانی خەڵک کردو گووتی: کاتێک بارودۆخی ئابوری خراپ بێت، هەمان ئەو خەڵکە هەژارە دەرژێنە شەقامەکان و نارەزایەتی دەردەبڕن چونکە تانوانن تەحەمولی ئەو ژیانە بکەن.
ئێمە نابێ چاوەرێی ئەوەبین کە کەس دەنگی نارەزایەتی بەرز نەکاتەوە، دەبێت دەنگی نارەزایەتی بەرز کرێتەوە، دەبێت دەنگی نارەزایەتی خەڵک ببیستین.
