سازمانی خه‌بات ی
کوردستانی
ئێران
مریەم رەجەوی لە شۆرای ئوروپا گووتی: رژیمی ئێران ناچار بکەن کە دەست هەڵگرێ لە سەرکوت و لابردنی حیجابی زۆرەملێ ی ژنان.
مریەم رەجەوی لە شۆرای ئوروپا گووتی: رژیمی ئێران ناچار بکەن کە دەست هەڵگرێ لە سەرکوت و لابردنی حیجابی زۆرەملێ ی ژنان.
کۆمیسیۆنی ژنانی شۆرای میللی موقاومەتی ئێران، هێرشی رۆژی پێنجشەممە 26ی رێبەندانی هێزە سەرکوتگەرەکانی رژیمی ئێران بۆ سەر ژنێکی نارازی لە جادەی ئینقلابی تاران و دەستگیرکردنی بەهۆی دژایەتی کردنی حیجابی زۆرەملێ بەتوندی مەحکوم کرد، و داوای لە کۆمەڵگا نێونەتەوەییەکان و پارێزەرانی مافی مرۆڤ و مافی ژنان کرد کە بە زوویی هەنگاو هەڵێنن بۆ ئازاد کردنی ئەو ژنەو هەموو ئەو ژنانەی دیکە کە بەهۆی بێ حیجابی و یان دژایەتی کردنی حیجابی زۆرەملێ دەستگیر کراون.
ئەو کمسیۆنەی شۆرا هەروەها داوا لە گشت خەڵکی ئێران بە تایبەت لاوان و ژنان دەکات لەکاتی پەلاماردانی پاسداران و هێزە ئەمنیەتیەکان بۆسەر ژنانی بەشەرف و ئازا، بەرەنگاریان ببنەوەو پارێزگاری لە ژنانی دەستبەسەر کراو خانەوادەکانیان بکەن.
رۆژی 12ی رێبەندان هەواڵدەری فارسی سەر بە سپای پاسداران رایگەیاند کە 29 ژن بەهۆی نەبوونی حیجاب و لەپێناو ئاسایشی کۆمەڵایەتی، دەستگیرکراون و رادەستی دەزگای قەزایی کراون.
جێی باسە سەرکوتگەرەکانی دەزگای قەزای ئاخوندان، بە دانانی بارمتەی قورس و گران بۆ ئەوەی نەتوانن بیدەن، دەبێتە رێگر لەبەردەم ئازاد کردنی زۆرێک لە زیندانیەکان.
مریەم رەجەوی، سەرۆکی شۆرای موقاومەتی ئێران، رۆژی 4ی ر٠Žبەندان، لە دانیشتنی شۆرای ئوروپا لە ئیستراسبۆرگ: داوای لە یەکیەتی ئوروپا، شۆرای ئوروپاو وڵاتانی ئەندام کرد کە رێو شوێنی کاریگەر بگرنە بەر بۆ ناچار کردنی فاشیزمی دینی دەسەڵاتدار لە ئێراندا، بۆ کۆتایی هێنان بە سەرکوتی ژنان و لابردنی حیجابی زۆرەملێ. هەروەها ناوبراو گووتی 39 ساڵ هەڵاواردن و سەرکوت دژی ژنان بەسسە و پێویستە کۆمەڵگای جیهانی کۆتایی بە بێدەنگی و بێ کردەوەیان بێنن.
