ددان نانی خامەنەیی بە نابەرابەری لەوەڵات؟

بێهروز ئەردەڵان

خامەنەیی وەلی فەقێی ڕژیم لەنوێترین دەرکەوتنیدا، بەبۆنەی ساڵڕۆژی ڕاپەرینی خەڵکی تەورێز لە 29ی ڕێبەندانی 1356 ،ددانی بە هەڵەوکەم وکوڕیەکانی ڕژیمەکەیدا نا. وەلی فەقێ لە ددان پێدانانێکی کەم وێنەدا چەند لاپەڕەیێکی ڕەشی نیزامەکەی هەڵدایە و لەمەڕ زۆڵم و چەوسانەوە لەئێران و نەبوونی دادپەروەری هاتە دووان، کە ئەم جۆرە هەڵوێست و ددان نان و هەنگاو هەڵگرتنەی لاسایی کردنەوەکەی نیزامی پاشایەتیە کە چەند مانگ بەرلە ڕووخانی حکوومەتەکەی هەنگاوی هەڵگرتبوو . خامەنەیی وەک پێشتر لەگۆی گادا نووستبێت وئاگای لەباروودۆخی وەڵات نەبێ، بەسەرسووڕمانەوە باسی لە گلەیی وگازەندەی خەڵک کرد وگووتی من لە کێشەوکەم وکوڕیەکان ئاگادارکراوومەتەوەو خەڵک بەتەنیا ڕەخنەی لەحکوومەت و نیزامی دادوەری و مەجلیس نیە، بەڵکوو لەوانەیە گلەییان لە منیش هەبێت.

خامەنەیی بەم بۆنەوە کە مەجالێکە بۆ ئاشکراکردنی پلان ونیەتی دژە خەڵکی و درێژەدان بەچەواشەکاریەکانی دەڵێت:  لەبواری دادپەروەریدا دەڵێم کە لەدواین و ددان دەنێم بە وەدا کە نەچووینەتە پێش، ئەبێ لەم پێوەندیەدا داوای بەخشین لەخەڵک بکەین. ڕژیمی ئاخوندی کە لەسەر بنەمای تەقیە و پێوشوێن گری خەت و ڕێبازی ماکیاولی دامەزراوە، لەمێژووی نێزیک بە چل ساڵ دەسەڵاتداریەتیان یەک ووشە ڕاستیان نەگوتووە و وەڵامی داوا و خواستی جەماوەری ئێرانیان بە درۆ و چەواشەکاری داوەتەوە.  وەلی فەقێ و بە قەولی خۆیان جێگەداری ئیمامی زەمان، لە ئاخاووتنەکانیدا بەردەوام مەزڵووم نمایی دەکا و زۆرجار لەبەرانبەر دەرووبەرەکانی ووشەو واژەی بەندە وداماو و نۆکەر بۆخۆی بەکار دەهێنێت و بە قسە لێپرسراوان بۆ ئەو هێڵە بانگهێشت دەکات کە خزمەتکاری گەل بن، لەکاتێکدا کە لەباری جێگەداری و سەروەت و سامانەوە ،خۆیی و ئاخوندەکانی ژێر ڕکێفی، پاشاو لە چینە هەرێ سەرمایەدارو خۆش بژیوەکانی ئێرانن و جیاوازیان لەگەڵ نیزامی پاشایەتی تەنیا تاج وعەمامەیە. لەکاتی دروست بوونی هەر ئاڵۆزێیک یان ئەنجام دانی هەر بەناوهەڵبژاردن بەمەبەستی گەرم کردنی ئەم بازارە، ڕێبەر سیاسەتێکی پارادۆکس و دژبەیەک دەگرێتە بەر و بەتاوانبارکردنی نیزامێک یان کەسێک و گرووپێک ،هەوڵ ئەدات تەواویەتی ڕژیم لە بوحران وئاڵۆزیەکان دوور بخاتەوە و لەم بارەوە ئەگەر بەفەووتان و لەنێو بردنیش بووبێت خۆی و ماڵەکەی لە کەم وکوڕی پێشهاتەکان بەری دەکات و لە بادانەوە و سیاسەت و ڕێگەچارەێیکی گاڵتەجاڕانە، شان لەژێر هەموو لێپرسراویەتێیک خاڵی دەکات. خۆ بەری کردن یان شانخاڵی کردنی  بەناو ڕێبەری ئاخوندی، بۆ کەس شاراوە نیە و پەیڕەوکردنی ئەم پلان و هاووکات بەدیارخستنی ئەو کارتە سووتاوە، وەک پێشوو بۆ ڕژیم ناچێتە سەر و ئەو مۆرانەی کە تا لەدەسەڵات بوون، مورید و کوڕ و نۆکەری وەلی فەقێ بوون، لە بادانەوەێیکدا، چۆنیەتی و ئامانج لە تاوانبارکردن و هاووکات بەری بوون لە تاوان و کەم وکوڕی دەخەنە ڕوو. پاسدار ئەحمەدی نژاد کە لەگەڵ برایانی لاریجانی کەوتوونەتە شەڕێکی زێڕنگەری و لەسەر دەسەڵات و دزی و وەلانان شەڕە دەندوکێیانە، لەمەڕ هەڵوێست و لێدوانی ڕێبەر، هاتە زمان و بەدووی قسە گاڵتە جاڕانەکەی خامەنەیی سەبارەت بە ڕاپەڕینی ساڵی 1356ی تەورێز کە هەڵەو کەم وکوڕی و نایەکسانی لەئێران دەخستە ڕوو گوتی: جەنایەت و گەندەڵی و فەساد لەم وەڵاتە لە ئەژمار نەهاتووە و ڕوونتر باسی نیزامی دادوەری کرد. گوتی کە ئەو دەسگایە پڕە لە  فەساد و نازانین سکاڵاکانمان بۆلای کێ ببەین، لەکوێ سکاڵا تۆمار بکەین؟! جێگەێیک نەماوە! ڕێبەریش دەڵێت لێپرسراویەتی نیزامی دادوەری و باقی دەزگاکانی دیکە لەئەستۆی ئەو نیە. ئەم قسانەی ئەحمەدی نژاد لەکاتێکدایە کە نیزامی داوەری لەژێر دەسەڵاتی وەلی فەقێیە و ڕاستەوخۆ لێپرسراوەکەی لەلایەن ناوبراوەوە دیاری دەکرێت. سەرکۆماری و پارلمانیش بە بوونی وەلی فەقێ و هیژموونی بەیتی ڕێبەری بەسەر ئەم نیزامانەدا بەشێوەیێکە کە هەرخولێک تەواو دەبێت، سەرۆکەکانی بەتایبەت سەرۆک کۆمار خۆی بە چایچی و تەداروکاتچی ئەژمار دەکات و دەڵێ ببوورن لایەنگرەکانم من هیچ دەسەڵاتێکم نەبوو. ئەگەر پێشتر هەموو تەقیە و درۆ و دەلەسەکانی ڕێبەر دەچووەسەر و خەڵکێک بەچەواشەکاریەکانی دڵخۆش دەبوون، ئێستا باروودۆخی ڕژیم بەتایبەت لەدووی ڕاپەڕینی خەڵکی زیاتر لە 140 شارو وشارۆچکەی ئێران، بەشێوەێیک گۆڕدراوە کە قسەکانی سەرانی ڕژیم بە وەلیەکەشیانەوە بۆتە گاڵتەجاڕو و کەس بڕوایان پێناکات. بەشێک لەسەرانی ڕژیم کە لەماوەی نێزیک بەچواردەیە دەسەڵاتی ڕژیم لەهەموو جینایەتێک بەشدار بوون، ئێستا پێگەی ڕژیمەکەیان کەلەوپەڕی لاوازی دایە، بە لارەملی لەهەوڵی چوونە ڕیزی بەرەی خەڵکن و بۆ جێگەبوونەوەیان لە ڕیزی جەماوەر سڕیات ئاشکرادەکەن و ڕەخنە لە ڕژیم دەگرن. هاووکات لەلایێکی دیکەوە ڕۆحانی و ستافەکەی کەلەسەرەتاوە بەدڵی وەلی فەقێ نەبوون وا نیشان دەدرا کە ئەمانە باڵی میانەڕەوی ڕژیمن، ئێستا  وەک فریادڕەسێکی ڕژیم دەردەکەوون و  ئەم دەسەڵاتەیان لەهێندێک قەیرانی خولەکانی ئەحمەدی نژاد کەم کردۆتەوە، لەیارێیکی مشک و پشیلەدا، لە لایەن خامەنەیی تەمجید دەکرێن و لە بەرانبەر کابینەی ڕابردوو کە لەلایەن سەرانی نیزامەوە بە هۆکاری قەیران دڕوست کردن دەناسێندراندران زەق کراونەتەوە و بەشان و باڵیان دێتە خوار. خامەنەیی لەم پێوەندیەدا  دەڵێت: ڕێکەووتنی بەرجام بێسوود بوو، بەڵام ئێمە باوەڕمان پێکردن. لێپرسراوانی ئێمە زیرەکن وباش لەگەڵ ئەو بابەتە جووڵانەوە. ئەبێت سپاسی وەزیری دەرەوەمان بکەین کە لەگەڵ ئەو ئامریکایە پیسانە و ئوروپاییەکان باش جووڵایەوە وبەهێز بوو، دەبێت ئەو ڕێگەیە درێژەی پێبدرێت. خامەنەیی کە پێگەی دەسەڵاتەکەی لە لاوازیدا دەبینێت، بە ددان نان بە نادادپەروەری و کەم وکوڕی و هاووکات تۆمەتبارکردنی ئۆرگانەکانی دەسەڵات و بەری کردنی خۆیی و ئەم بگرەو ئەو بەردەی ئەم ئاخوندو ئەو پاسدار و لاسایی کردنەوەی گۆڕانکاریەکانی دەورانی بەرلە ڕووخانی نیزامی پاشایەتی،گەرەکیەتی ڕژیمەکەی لە ڕووخان و ڕیزشی یەکجاری بپارێزێت. بەڵام تا پێدەچێت کەلێن وقەیران بەرۆکی ئەم ڕژیمە زیاتر دەگرن و هەموو هێماکان ئەو دیار دەخەن کە ڕێگە و بەستێنی ڕووخانی ڕژیم لەبارەوەو هیچ شتێک ئەم رژیمە لە فەوتان ناپارێزێ‌.